Óz zeınetaqy jınaǵymnan bir tıyn da alǵan joqpyn – Erulan Jamaýbaev

ASTANA. QazAqparat – Úkimet otyrysynan keıin BAQ ókilderiniń saýalyna jaýap bergen Qarjy mınıstri Erulan Jamaýbaev óziniń zeınetaqy jınaǵynan bir tıyn da almaǵanyn málim etti, dep habarlaıdy QazAqparat tilshisi.

«Men bir tıyn da alǵan joqpyn. Óıtkeni, ol meniń zeınetaqym ekenin jaqsy túsinemin. Ekinshiden, men bolashaqta qaıda jumys isteıtinimdi bilmeımin. Men bul jınaqtardy kúndelikti qajettilikterge jumsaǵym kelmeıdi. Bolashaqqa qaldyrǵym keledi. Qazaqstandyqtar da osylaı isteıdi dep senemin», - dedi Qarjy mınıstri Erulan Jamaýbaev.

Jýrnalıster Erulan Jamaýbaevtan eger ol qazir zeınetke shyqsa, onda onyń zeınetaqy somasy qansha bolatynyn da surady.

«Bul týraly oılap kórmeppin. Esterińizde bolsa, qazir 50 jastan bastap tólemderge annýıtet rásimdeýge múmkindik bar. Birden aıtarym óte jaqsy soma shyǵady», - dep jaýap berdi Erulan Jamaýbaev.