Óz tańdaýymdy jasadym – til janashyry Asyly Osman

ALMATY. QazAqparat – Almatyda №64 saılaý ýchaskesinde belgili qoǵam qaıratkeri, memlekettik tildiń janashyry, «Dostyq» jáne «Parasat» ordenderiniń ıegeri Asyly Osman daýys berdi, dep habarlaıdy QazAqparat tilshisi.

«Men osy eldiń azamaty bolǵan soń, onyń Zańyna baǵynamyn. Otanymdy, halqymdy jaqsy kóremin, syılaımyn. Sondyqtan da erte kelip daýys berip jatyrmyn. Óz tańdaýymdy jasadym. Tek daýys bergen partııa ózderi bergen ýádelerin oryndasa eken», - deıdi Asyly Osman.

Til janashyry Qazaqstan halqy úshin daýys berý asa mańyzdy ekenin atap ótti.

«Saılaýdyń mańyzy zor. Óıtkeni, halyq olarǵa úlken senim artady. Al qazaqta «senim seń buzady» degen bar. Sol senimdi aqtasa eken. Adam dúnıege adam bolyp kelgennen keıin, ol elin, jerin jaqsy kórýi kerek. Men qazaqstandyqtardy daýys berýge shaqyramyn. Ár adam eldiń damýyna óz úlesin qosý qajet dep oılaımyn. Sonda ǵana Qazaqstan ary qaraı damıdy, kórkeıedi», - deıdi ol.