Aqtaýda áıel adam kópqabatty úıden qulap mert boldy

<p>ASTANA. KAZINFORM — Qaıǵyly oqıǵa Aqtaýdyń 33 shaǵyn aýdanyndaǵy kópqabatty úılerdiń birinde bolǵan. Áıel kópqabatty úıden qulap, mert boldy. Polıtsııa óz-ózine qol jumsaý faktisi boıynsha is qozǵady, dep habarlaıdy <a href="https://www.lada.kz/aktau_news/incidents/127454-dovedenie-do-samoubiistva-v-aktau-zhenshchina-pogibla-upav-s-mnogoetazhki.html" target="_blank" rel="noopener">lada.kz</a>. </p>

Áleýmettik jelide Aqtaýdaǵy kópqabatty úıden qulaǵan áıeldiń vıdeosy tarady. Onda jedel tergeý tobynyń oqıǵa ornyna kelip, úıdiń janyndaǵy aýmaqty sary lentamen qorshaýǵa alǵanyn kórýge bolady.

Polıtsııanyń málimetinshe, qaıǵyly oqıǵa 29 tamyzdan 30 tamyzǵa qaraǵan túni 33-shi shaǵyn aýdandaǵy úılerdiń birinde bolǵan.

Oblystyq polıtsııanyń baspasóz qyzmeti oqıǵaǵa qatysty túsinik berdi.

«Atalǵan fakti boıynsha QR Qylmystyq kodeksiniń 105-baby (Ózin-ózi óltirýge ıtermeleý) boıynsha sotqa deıingi tergeý bastaldy. Qajetti tergeý amaldary júrgizilip jatyr. Basqa aqparat tergeý múddesi úshin jarııalanbaıdy», — delingen vedomstvo habarlamasynda.