Óz qolyńmen qurylǵan kıiz úı: Qaraǵandyda oqýshylar úshin trenıng ótti
01:24, 25 Naýryz 2021
QARAǴANDY. QazAqparat - Ulttyq qundylyqtardy jańǵyrtý maqsatynda jas qaraǵandylyqtar úshin Abaı atyndaǵy oblystyq balalar kitaphanasynda «KIІZ ÚI» etnokonstrýktoryn qurastyrýdan trenıng ótti, dep habarlaıdy QazAqparat tilshisi.
Kitaphanashy Nurzat Áljanova №20 mekteptiń jetinshi synyp oqýshylaryna kóshpendi halyqtyń baspanasy týraly egjeı-tegjeıli aıtyp berdi jáne onyń qurylysymen tanystyrdy.
Sodan keıin balalar kóshpendilerdiń ejelgi ónertabystarynyń birin qurastyrýǵa qatysty. «Kıiz úı» etnokonstrýktorynyń kómegimen oqýshylar týǵan ólkeniń tarıhymen tanysty.
Aıta ketý kerek, osydan birneshe jyl buryn kıiz úı ıÝNESKO-nyń materıaldyq jáne mádenı muralary tizimine engizilgen bolatyn. Kıiz ben ıirimdi tal shybyǵynan jasalǵan baspananyń osy túriniń, sáýletiniń qaıtalanbastyǵy búginde árbir qazaq úshin Otannyń jáne halyqtyń ejelgi mádenıetiniń nyshanyna aınaldy.