«Oz eliniń sıqyrshysy» fılmindegi Dorotıdiń týflıi aýktsıonda 32,5 mln dollarǵa satyldy

<p>ASTANA. KAZINFORM &ndash; Dorotıdiń laǵyl kebisi aýktsıonda satylǵan eń qymbat ári fılmge qatysty eń tanymal zat boldy, dep habarlaıdy&nbsp;<a href="https://www.ha.com/heritage-auctions-press-releases-and-news/dorothy-s-ruby-slippers-from-the-wizard-of-oz-sell-for-32.5-million-at-heritage-auctions-to-become-world-s-most-valuable-movie-memorabilia.s?releaseId=5122" target="_blank" rel="noopener">Heritage auctions</a>.&nbsp;</p>

1939 jyly shyqqan «Oz eliniń sıqyrshysy» fılminde Djýdı Garland kıgen jáne osy kúnge deıin saqtalyp kelgen tórt jup aıaq kıimniń biri 7 jeltoqsanda Heritage auctions-ta 32,5 mln dollarǵa satyldy. 

Osy satylym arqyly Heritage Auctions jalpy somasy 38 615 188 dollar rekordyn ornatty.

Eń sońǵy rekord 22,8 mln dollardy qurady, ony 2011 jyly Heritage Auctions atqarýshy vıtse-prezıdenti Djo Maddalena ótkizdi. 

— Djýdı Garlandtyń laǵyl kebisin Gollıvýdtyń basqa estelikterimen salystyrýǵa bolmaıdy. Tańǵajaıyp nátıje fılmder men olardyń estelikteriniń bizdiń mádenıet pen kollektsıonerler úshin qanshalyqty mańyzdy ekenin tanytyp otyr. Heritage-taǵy barlyǵymyz aıaq kıimniń kempirqosaq arqyly ótetin epıkalyq saıahatynyń bir bóligi bolý qurmetine ıe boldyq, ol endi jańa úıge jol tabady, — dep atap ótti Djo Maddalena. 

Aıaq kıimniń aýktsıon aldyndaǵy baǵasy 3 mln dollar  boldy. Tikeleı saýda-sattyq 1,55 mln dollar kezinde ashyldy, birneshe sekýnd ishinde saýda-sattyq kóp mıllıondyq mánge jetti. Lot úshin 25 qatysýshy baq synady. Jeńimpaz aýktsıonǵa qashyqtan qatysty.

Tór juptan turatyn laǵyl kebistiń biri 2000 jyly aýktsıonda bar bolǵany 666 myń dollarǵa satylǵan bolatyn. 2012 jyly Stıven Spılberg pen Leonardo Dı Kaprıo taǵy bir jupty 2 mln dollarǵa satyp alyp, ony Los-Andjelestegi kınofılmder akademııasyna syıǵa tartty.