Óz basym krıptovalıýtaǵa aqsha salmaımyn – Álibek Qýantyrov
Ortalyq kommýnıkatsııalar qyzmetinde ótken brıfıngide BAQ ókilderi Ulttyq ekonomıka mınıstrinen krıptovalıýtaǵa ınvestıtsııa salǵan-salmaǵanyn surap, osyndaı oıda júrgen qazaqstandyqtarǵa keńes berýin ótindi.
«Jeke óz basym krıptovalıýtaǵa aqsha salmaımyn. Ol úshin belgili bir ýaqyt pen qandaı da bir bilim-bilik kerek shyǵar. Bul máselege qyzyǵýshylyq tanytqan emespin. Tek Prezıdent ákimshiliginde jumys istegen kezde monetarlyq sharýalar aıasynda ushyrastym. Qazir krıptovalıýta óndiretin maınerlerge salyq júktemesin ulǵaıtýdy qarastyryp jatyrmyz. Dál qazir maınerlerge salynatyn salyq kólemin krıptovalıýta qunyna baılaý qaralyp jatyr. ıAǵnı, krıptovalıýta ósse, salyq ósedi. Bul bıýdjetke jaqsy», - degen mınıstr ınvestııalaý táýekelderi týraly paıymyn aıtty.
«Bul - árkimniń ózi isi. Biraq árkez táýekel bolady. Krıptovalıýta naryǵynda táýekel tipten joǵary. Óıtkeni onyń artynda valıýta dep ataýǵa negiz bolatyndaı naqty aktıv joq. Bul tipti derıvatıv te emes, qolmen ustap, kózben kórýge kelmeıtin dúnıe. Onyń ústine krıptovalıýta onlaın-ámııandarda saqtalady. Ol ámııan tym alysta ornalasqan bolýy múmkin. Tipti tsıfrlyq turǵydan qaraǵannyń ózinde, kóbine siz turatyn aýmaqtan tym alysta ornalasady», -dedi Álibek Qýantyrov.
Onyń aıtýnysha, krıptovalıýtaǵa ınvestıtsııa salǵan adamdar munda da ártaraptandyrýǵa tyrsýy kerek.
«Bárin bir sebetke salýǵa bolmaıdy. Krıptovalıýtadan basqa valıýta sııaqty shynaıy aktıvterge de bólshektep qarjy salýǵa bolady. Krıptovalıýtaǵa salǵan ınvestıtsııany da óz ishinde ártaraptandyrý kerek dep oılaımyn. Bir ǵana krıptovalıýtaǵa salýdyń qajeti joq. Bir ǵana bıtkoınǵa, bir ǵana laıtkoınǵa salý durys emes. Shama kelgenshe ártaraptandyrý kerek. Óıtkeni bul naryq túrli trendter kórsetip tur. Kenet túsip nemese kóterilse, úlken aqsha joǵaltyp, barmaq tistep qalýǵa bolady», - dedi mınıstr.
Aıta keteıik, QR Ulttyq ekonomıka mınıstri Qazaqstan aýmaǵynan zańsyz shyǵarylǵan kapıtal 100 mlrd dollardan asýy múmkin ekenin aıtty.