«Oıýmen oı aıtqan elmiz» - baspasózge sholý
***
Búgin «Aıqyn» respýblıkalyq gazeti «Oıýmen oı aıtqan elmiz» atty maqala jarııalap otyr. «Qazaq ulttyq oıý órneginiń birneshe ondaǵan ǵasyrlyq tarıhy bar. Bizdiń jyl sanaýymyzdan burynǵy 5-3 ǵasyrlar aralyǵynda Altaı óńirinen Qara teńiz tóskeıine deıingi saıyn dalany qonystanǵan túrki halyqtarynyń baıyrǵy saqtar álemdegi mádenı ómirde ónerdiń óshpes asyl muralaryn qaldyrǵan. Atalmysh óner kezeńine akademık Álkeı Marǵulan «Ańdaby máner» dep at bergen eken. Bul týraly tolyǵyraq «Aıqyn» gazetiniń búgingi sanynan oqı alasyzdar.
Sondaı-aq, «Aıqyn» gazetiniń habarlaýynsha, «Altynquryq» JShS jol-qurylys kompanııasy búgingi tańda Munaıly aýdanynyń Baıandy aýylyna asfalt jol salýdy qolǵa alyp, qarqyndy jumys júrgizip jatyr. Basylymnyń aqparatyna súıensek, uzyndyǵy 10 shaqyrymdy alatyn joldyń qurylysyna oblystyq qazynadan 909 mln teńge qarjy bólinip, tolyqtaı ıgerilgen. Osylaısha, joldyń 7,7 shaqyrymy tóselgen. Endi qalǵan bóligine 250 mln. qarjy qarastyrylsa, jol qurylysy tolyqtaı aıaqtalyp, turǵyndardyń ıgiligine tapsyrylady. Aldaǵy ýaqytta Baıandy aýylyn ortalyqpen jalǵastyratyn taqtaıdaı, tep-tegis asfalt joldyń sapasyn Germanııadan arnaıy kelgen ınjener, sarapshy-maman Ervın Fleısher baqylaýǵa alǵan. Óńirde 2003 jyldan beri jol qury¬lysymen aınalysyp kele jatqan mekeme sońǵy zamanaýı jabdyqtarmen jabdyq¬talǵan. Aımaqta alǵashqy bolyp, kom¬panııa «Avtomattandyrylǵan Topkon 3 D nıvelırleý júıesin» engizgen. Atalmysh qurylǵy joldyń negizgi qabattaryn kompıýter arqyly 1 mm dáldikpen salady. Sonyń nátıjesinde jumystyń ónimdiligi artyp otyr. Bul týraly tolyǵyraq «Aqtaý-Baıandy tas jolynyń qurylysy qarqyndy» atty maqaladan oqı alasyzdar.
***
«Egemen Qazaqstan» gazeti búgingi sanynda medıtsınalyq saqtandyrý baǵdarlamasy týraly jazyp otyr. Baǵdarlamanyń maqsaty adam densaýlyǵyna muqııat qaraý múmkindigin arttyrý. Basylym Batys Qazaqstan oblysyndaǵy densaýlyq saqtaý basqarmasynyń osy baǵyttaǵy jumysyn baıandap otyr. «Ult Josparynda qoıylǵan basty mindetterdiń biri mindetti áleýmettik medıtsınalyq saqtandyrý júıesin (MÁMS) engizý bolatyn, 100 naqty qadamnyń 80-shi qadamynda onyń memleket, jumys berýshi jáne azamattyń yntymaqtastyǵy negizinde júzege asatyny aıqyn kórsetilgen. ıAǵnı, osy úsh tuǵyr jaýapkershilikti teń kótermek. Toqeterin aıtqanda, MÁMS dál osy qaǵıdat negizinde ornyqpaq. Sondaı-aq, jańa júıe bastapqy medıtsınalyq-sanıtarlyq kómek¬ti birinshi kezekte qarjylandyrýǵa basym¬dyq bermek. Endeshe, óńirde bul istiń jaı-kúıi qandaı deńgeıde?» degen suraqtardy jaýabyn izdegen basylym. Bul týraly tolyǵyraq «Medıtsınalyq saqtandyrý» atty maqaladan oqı alasyzdar.
***
«Ekspress K» basylymynyń habarlaýynsha, osydan birneshe júz jyl buryn Qazaqstannyń ońtústiginde jabaıy banan ósken degen derek bar eken. «Alaıda, qysqa tózimdi jabaıy banandy adam qurtty degen derek bar. Qazir jahandyq jylynýǵa baılanysty, bul ósimdik mádenıeti qaıta jandanyp jatyr» dep jazady basylym. Bul týraly tolyǵyraq «Banan-baqsha» degen maqaladan oqı alasyzdar.