«Oımasha» polıgonynda áýe shabýylyna qarsy jattyǵý aıaqtaldy

AQTAÝ. QazAqparat - Mańǵystaý oblysy «Batys» óńirlik qolbasshylyǵynyń qorǵanys bólimsheleriniń lagerlik jıyny aıaqtaldy, dep habarlaıdy QazAqparat tilshisi. Áýe shabýylyna qarsy ótken jattyǵýda qorǵanys áskerleri jaýyngerlik jáne oqý atýlaryn oryndady.

Aqtaý, Aqtóbe jáne Atyraý garnızondary áýe shabýylyna qarsy qorǵanys bólimsheleriniń 200-ge jýyq áskerı qyzmetshisi men 50-ge jýyq áskerı tehnıkasy is-júzinde jaýyngerlik maqsattaǵy jattyǵýlardy oryndady.

Áskerı qyzmetshiler ZÝ-23-2 zenıttik qondyrǵylarynan jáne tasymaldanatyn zenıttik-zymyran kesheninen jaýyngerlik jáne oqý-jattyǵý atystaryn, zenıttik-artıllerııalyq vzvodtar atystaryn jáne zenıttik dıvızıonnyń taktıkalyq jattyǵýlaryn pysyqtady.

Jıyn barysynda daıyndyǵy jaqsy bólimshelerdi anyqtaý úshin arnaıy saıys uıymdastyryldy. Áskerı qyzmetshiler zenıttik artıllerııanyń atys kýrsy boıynsha teorııalyq erejelerinen biliktilikterin kórsetip, taktıkalyq jáne arnaıy daıarlyq boıynsha kórsetkishterin oryndady.

«Batys» óńirlik qolbasshylyǵynyń áýe shabýylyna qarsy qorǵanys áskerleriniń bastyǵy podpolkovnık Rýslan Nurahmetovtyń aıtýynsha, Atyraý qalasy áskerı bóliminiń zenıtshileri úzdik nátıjege qol jetkizdi.