Otyrǵyzylǵan sekseýildi mal jappaı jep jatyr - Araldy qutqarý halyqaralyq qory
«Sońǵy jyldary mal jaıýda tıisti erejelerdi saqtamaýdyń saldarynan aýyldyq eldi mekenderdiń aınalasyndaǵy jerlerdiń tozýy jıi baıqalady. Aral teńizindegi jasyl beldeýge otyrǵyzylǵan sekseýil jáne basqa da aǵashtardy jaqyn mańdaǵy eldi mekenderdiń úı maly jappaı jep jatyr», - dedi Araldy qutqarý halyqaralyq qory dırektorynyń orynbasary Marat Narbaev «ECOJER» ІІ halyqaralyq ekologııalyq kongresinde.
Onyń aıtýynsha, Aral teńizin qaıta qalpyna keltirýde sý resýrsymen qatar kógaldandyrý da mańyzdy.
«Joǵaryda aıtylǵan problemaǵa baılanysty fıtomelıoratsııa jáne shalǵaıdaǵy jaıylym aınalymyn qalpyna keltirý jónindegi jumysty jandandyrý kerek. Sondaı-aq klımattyń ózgerýiniń jahandyq protsesin eskere otyryp, mal sharýashylyǵy klasterin damytý qajet. Búginde elimizde shamamen 187 mln ga jerdi quraıtyn jaıylymdyq jer bar», - deıdi ol.
Eske sala keteıik, Aral teńiziniń tartylyp qalǵan jerlerin kógaldandyrý maqsatynda bıyl kóktemde 3 mln 600 myń túp sekseýil kósheti otyrǵyzyldy.
Sondaı-aq jyl boıy Aral teńizi túbinde 250 myń ga jerge sekseýil otyrǵyzylmaq. Bul týraly QR Ekologııa, geologııa jáne tabıǵı resýrstar mınıstrligi orman sharýashylyǵy jáne janýarlar dúnıesi komıteti habarlaǵan edi.