Otyrardan «EKSPO-2017 bolashaq baǵdary» atty aqparattyq avtokerýen jolǵa shyqty
Aýdan ákimi Erlan Aıtahanov sharaǵa qatysýshylardy memleketimizdiń shırek ǵasyrlyq mereıtoıymen quttyqtap, ótkeli otyrǵan is-sharanyń mańyzyna toqtaldy. «Halyqaralyq mamandandyrylǵan «EKSPO-2017» kórmesiniń marshrýtyna Jibek joly boıynda ornalasqan bizdiń aýdan da engizilgen. Kıeli Arystanbab pen tarıhı Otyrartóbe tarıhyna qyzyǵýshylardyń kóp bolatyny belgili. Keletin týrısterge minsiz qyzmet kórsetý bizdiń mindetimiz.
Kórmeniń basty maqsaty balamaly energııa kózderin paıdalaný. Bizdiń aýdanymyzda kún sáýlesinen energııa alý jumysy bastalyp ta ketti. Máselen, aýdanymyzǵa kirer bas qaqpamyz kún energııasymen jaryqtanady. Sondaı-aq, Jibek joly dańǵyly boıyndaǵy túngi shamdar da kún sáýlesinen qýat alatyn bolady. Kelesi jyldan bastap, Kóksaraı aýylynda kúnnen qýat alatyn úlken stantsııa qurylysy bastalady. Atalǵan stantsııa bar qýatymen iske qosylǵanda bizdiń aýdandy ǵana emes, kórshi birneshe aýdandy energııamen qamtamasyz etedi»,- degen aýdan basshysy avtokerýenge sát sapar tiledi. Arnaıy bannerlermen bezendirilgen avtokerýen aýdan ortalyǵynan Arystanbabty betke alyp, onan ári saparyn tarıhı Otyrartóbede jalǵastyrdy.