Otyrardaǵy kanaldar kúrdeli jóndeýden ótti
Mereıli mereke qarsańynda eki birdeı áleýmettik nysannyń lentasy qıylyp, halyqtyń qýanyshy eselene tústi.
Otyrar aýdanynda bıyl 2 kanal kúrdeli, al, 12-si aǵymdaǵy jóndeýden ótti. Bul isti ıkemdeý úshin jergilikti qazynadan 1,4 mlrd. teńgege jýyq qarajat jumsaldy. Bir ǵana «KM-1» kanalynyń 7,6 shaqyrymy mehanıkalyq tazartýdan ótkizilse, «KM-2» kanalynyń 11,5 shaqyrymy betonmen qaptalyp, tospalary jańadan ornatyldy. Igi isterdiń nátıjesinde aldaǵy ýaqytta úı-irgelik jermen qatar, 1200 gektar sýarmaly jerdiń sýmen qamtylýy jaqsaryp, paıdalanýǵa jańadan 220 gektar jer qosylatyn bolady. «Shámil-dúr» saıabaǵy 80-shi jyldary sháýildirlik jastardyń birden-bir tynyǵý aımaǵy bolǵan. Keıinnen tozyp, qaraýsyz qalǵan-dy.
Búginde qaıta qalpyna kelip, ajary kirýde. Ol úshin qazynadan «Óńirlerdi damytý» baǵdarlamasy aıasynda qarjy qaraldy. Aýyl ajaryna sán qosqan nysan el qýanyshyn eselep otyr. Saıabaqtyń qaq ortasyna qos ǵashyq Shámil men Dúrııanyń máńgilik mahabbat belgisi retinde eskertkishi ornatylǵan. Munda jastardyń bir mezgil kıno kóretin orny da qarastyrylǵan.
Osylaısha torqaly toı qarsańynda otyrarlyqtar ıgi istiń kýási boldy. Halyq ıgiligine jarar áleýmettik nysandardyń sanyn kóbeıtip, aýyl-aımaqtardyń ajaryn asha túsý kún tártibinen túsken emes. Qasıetti meken halqy áli talaı ońdy istiń kýási bolary haq.