Otyrarda «Táýelsizdik jetistikteri» kórmesi ótti
Memleketimiz ben aýdan tarıhyn qamtyǵan kórme ótkenimiz ben búgingi jetistikterimizdi salystyra otyryp, Táýelsizdik jetistikterin kóz aldyńa keltiredi. Kórmeniń ashylýymen aýdan ákimi Erlan Aıtahanov kelýshilerdi arnaıy quttyqtady. «Shırek ǵasyrda memleketimiz tolaǵaı tabystarǵa jetkenine bárimiz de kýámiz. Osy jyldar ishinde elimiz úlken ózgeristerdi bastan keship, jarqyn jetistikterge qol jetkizdi. Sonyń ishinde Otyrar aýdanynyń da kún saıyn kórkeıip kele jatqanyn kóz kórip otyr. Barshańyzdy el Táýelsizdiginiń mereıli merekesimen taǵy da quttyqtaǵym keledi. Kórmeni ashyq dep jarııalaımyn jáne birge tamashalaýǵa shaqyramyn», - dedi aýdan basshysy.
Kórmeni tamashalaýǵa kelgender kórgenderinen keremet áser aldy. Mádenı is-sharaǵa kelgen oqýshylar, ustazdar, ardagerler aýdan ákimimen estelik sýretke tústi. Aıta ketý kerek, dál osyndaı el Táýelsizdigi merekesin ulyqtaıtyn aýqymdy ıgi sharalarǵa aýdan jurty bir kisideı atsalysýda.