Otyrarda otandyq kórkem jáne anımatsııalyq fılmder aptalyǵy bastaldy

  ShYMKENT. QazAqparat  - Ońtústik Qazaqstan oblysynyń Otyrar aýdanynda kıno aptalyǵy bastaldy. «Kıno - rýhanııattyń jańǵyrý kózi» jobasy aıasynda uıymdastyrylǵan sharada ońtústikte túsirilgen kórkem jáne anımatsııalyq fılmder kórsetiletin bolady, dep habarlaıdy  QazAqparat tilshisi.

Aptalyq Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda qolǵa alynyp, oblystyq Mádenıet jáne tilderdi damytý basqarmasy men «Ońtústikfılm» mekemesiniń uıymdastyrýymen ótýde. Joba oblys ákimi Janseıit Túımebaevtyń tapsyrmasymen júzege asyrylýda.

Jobaǵa sáıkes tarıh pen taǵylymǵa baı ońtústik óńiriniń ərbir aımaǵyn óskeleń urpaqqa ańyz-áńgimeler ǵana emes, kıno janry arqyly da nasıhattaý kózdelgen. Jýyrda «Ońtústikfılm» mekemesi men «SAQ» kınostýdııasynyń birlesip «Otyrardy qorǵaý» anımatsııalyq jəne «Uly Jibek joly boıyndaǵy kóne qalalar» derekti fılmi, «Kóne jetigenniń syry»  atty 13 serııaly fılm túsirilgen bolatyn. Sondaı-aq Otyrar aýdanynyń əkimi  Erlan Aıtahanovtyń tapsyrysymen «Kóne qumyranyń syry», «Otyrar dastany» anımatsııalyq fılmderi jaryqqa shyqty.
 

Al kıno aptalyǵynda «Otyrardy qorǵaý», «Kúsh atasy - Qajymuqan», «Kóne qumyranyń syry» anımatsııalyq týyndylary men «Kóne jetigenniń syry» kórkem fılmi kórsetiletin bolady. Olar aýdannyń  birqatar eldi mekenderinde mádenıet úıleri men klýbtarda kórermen nazaryna usynylady.