Otyrarda ál-Farabıdiń 1150 jyldyǵyna oraı abattandyrý jumystary júrgizilýde

OTYRAR. QazAqparat – Túrkistan oblysy, Otyrar aýdanynda Ábý Nasyr ál-Farabıdiń 1150 jyldyq mereıtoıyna oraı abattandyrý jumystary júrgizilýde. Aýdan ortalyǵy Sháýildir aýylynda 6 nysan abattandyrylyp, jaıaý joldar men velojoldar salynýda, dep habarlaıdy QazAqparat tilshisi.

Aýdan ákimdiginiń málimetinshe, Arǵynbekov dańǵylynda 1,9 shaqyrym aralyq abattandyrylyp, jaryqshamdar men oryndyqtar jáne qorshaýlar ornatylǵan. Bul jumystarǵa 266,7 mln teńge qarastyrylǵan. 1,77 shaqyrym aralyqty kógaldandyrý jumystary júrgizilip, Jibek joly dańǵyly boıyndaǵy «Dańqty babalar saıajoly» nysanyn aǵymdaǵy jóndeý ótkizilýde. «Qasiret memorıaly» alleıasyna sýlandyrý men jaryqtandyrý júıeleri ornatylýda.