Otyrar turǵyny aýylyna kópir salyp berdi
Otyrar aýdanyna qarasty Eski Shilik eldi mekeninde jańa kópir el ıgiligine paıdalanýǵa berildi. Belaryq kanalynyń boıyna salynǵan kópirdiń uzyndyǵy – 7, eni 6 metrdi quraıdy. Jańa nysan búginde eki aýyldy baılanystyryp otyr.
Nurseıit esimdi aýyl turǵyny qajetti materıaldardy óz qarajatyna satyp alyp, qurylys jumystarynyń basy-qasynda bolǵan. Kópirdiń jan-jaǵyn temirmen qorshap, qaýipsizdigin kúsheıtýge de mán bergen. Jolyn tegistep, asfalt tósegen.
Shilik aýyldyq okrýginiń ákimi Aıdarhan Rústemov kópten beri aıtylyp júrgen máselege beı-jaı qaramaı, kópir salýdy qolǵa alǵan otbasyna el atynan alǵys aıtty.
Qoǵam qaıratkeri Álimjan Qurtaev, aýyl ımamy Ázimhan Jasekov saýaby mol qaıyrly isti qolǵa alǵan azamattyń ónegeli isine rızashylyǵyn bildirdi. Al aýyl aqsaqaly Habıbýlla Turysov eldiń tynyshtyǵyn tilep, aq batasyn berdi.