Otyrar aýdanynda úsh eldi mekenge kógildir otyn tartyldy
Saltanatty jıynda sóz sóılegen senator Álimjan Qurtaev aýyl turǵyndaryn mereıli merekemen quttyqtap, izgi tilegin jetkizdi. Aıtýly shara barysynda aýdan basshysy Ábdiǵalı Júnisov te jınalǵan jurtshylyq aldynda eldi mekenderge gaz jetkizý máseleleri qaralyp jatqanyn atap ótti.
«Árbir otbasynyń berekesi, jylýy – oshaǵy. Búgin Jańa Shilik, Eski Shilik, Aqtóbe eldi mekenderine berilgen kógildir otyn árbir otbasyna jylylyq syılap, erteńgi kúnge degen senimderin eseleı túseri sózsiz. Qazir elimiz damýdyń jańa kezeńine qadam basty. Aýyldardy kórkeıtý, aýyz sýmen qamtý, kógildir otyn jetkizý, halyqtyń ál-aýqatyn arttyrý qazirgi kúnniń basty mindetteri bolyp otyr. Munyń bári Táýelsiz memleketimizdiń damý kezeńindegi eń úlken jetistikteriniń biri. Búgingi gaz berý jumystary eldigimizdiń, táýelsizdigimizdiń tartýy dep bilemin. Sondyqtan da atalǵan aýyldardyń turǵyndaryn búgingi aıtýly mereke qarsańyndaǵy qýanyshtarymen quttyqtaımyn!» - dedi Ábdiǵalı Aıtjanuly.
Búginde aýdan kólemindegi 22 eldimekenge tabıǵı gaz tartý jumystary qarqyndy júrgizilip keledi. Qazirgi ýaqytta Qaraqońyr, Sh.Qaldaıaqov, Qoǵam eldimekenderinde de gaz qubyrlarynyń qurylysy aıaqtalyp, kógildir otynǵa qosý jumystary júzege asyrylýda. Jańa Shilik aýylyna tartylǵan jalpy gaz qubyrynyń uzyndyǵy 14146,5m metr bolsa, jergilikti jerdegi 324 úı jáne 9 basqa da nysandar tabıǵı gazben qamtylǵan. Shara barysynda aýyldardy tabıǵı gazben qamtamasyz etý jumystaryna asa jaýapkershilikpen qarap, qurylys jumystaryn ýaqytyly ári sapaly atqarǵan merdiger mekemelerdiń qyzmetkerleri alǵys hattarmen marapattaldy.