Otyrar aýdanynda «Ońtústik dostyq mekeni» jobasy aıasynda keleli jıyn ótti

OTYRAR. QazAqparat – Túrkistan oblysy, Otyrar aýdanynda «Ońtústik dostyq mekeni» jobasy aıasynda keleli jıyn ótti. Ózge ult ókilderi men mektep muǵalimderi, oqýshylar men BAQ ókilderi qatysqan basqosýda óńirdegi ishki saıası turaqtylyq pen etnos aralyq tatýlyq keńinen nasıhattaldy, dep habarlaıdy QazAqparat tilshisi.

Sh.Qaldaıaqov atyndaǵy mektep-gımnazııasynda ótken jıyndy Túrkistan oblystyq Qazaqstan halqy Assambleıasy men oblys ákimi apparatynyń «Qoǵamdyq kelisim» mekemesiniń jáne aýdandyq ishki saıasat bólimi uıymdastyrdy. Mańyzy zor basqosýda Túrkistan oblysy «Qoǵamdyk kelisim» QMM-niń is-sharalar uıymdastyrý bóliminiń basshysy Baqytjan Áshirbaev jáne «Pro Mentor» JShS-niń dırektory Asylbek Djamalovtar sóz sóıledi. Aldymen sóz alǵan Baqytjan Áshirbaev eldegi turaqtylyq pen birliktiń mańyzy, óskeleń urpaqtyń boıynda otanǵa degen súıispenshilikti qalyptastyrý men damytýdyń máni aıryqsha ekenin aıtyp ótti. Al, Asylbek Djamalov jastardyń boıynda týǵan jerdiń tarıhyna degen qyzyǵýshylyqty oıatýda asa mańyzdy tárbıe quraldarynyń biri ekenin basa aıtty. Erkin pikir almasý formatynda ótken sharada jıynǵa qatysýshylar óz oılaryn ortaǵa salyp, kókeıde júrgen saýaldaryna tushymdy jaýaptar aldy.