«Otyrar ádebıeti men óneri» qoǵamdyq birlestiginiń kezekti otyrysy ótti

ShYMKENT. QazAqparat - El Táýelsizdiginiń 25 jyldyǵyna oraı Otyrar aýdanynyń ortalyǵy Sháýildir aýylynda «Otyrar ádebıeti men óneri» qoǵamdyq birlestiginiń kezekti otyrysy ótti, dep habarlaıdy aýdan ákimdiginiń baspasóz qyzmeti. Egemendigimizdi ulyqtaý, jergilikti aqyndardyń esimin qalyń oqyrmandaryna tanytý, shyǵarmashylyǵyn nasıhattaý maqsatynda ótken kezdesýde «Qazaqstan Respýblıkasynyń Táýelsizdigine 25 jyl» taqyrybynda kitap kórmesi qoıylyp, jańa kórkem-ádebıettermen usyndy.

Qara sózdiń qudiretimen qara qyldy qaq jaryp, elimizdiń rýhanı damýyna ózindik úlesin qosyp júrgen otyrarlyq aqyndardyń kezekti basqosýyna aýdan ákiminiń orynbasary Perdehan Japparqulov qatysyp, kópshilikti qasterli merekemiz Táýelsizdik kúnimen quttyqtady.

Quttyqtaý sózinde aýdan ákiminiń orynbasary aýdan ákimi Erlan Aıtahanov jergilikti aqyndardyń shyǵarmashylyq shabytyn shyńdaý maqsatynda árkez qoldaý kórsetip kele jatqandyǵyn, birlestiktiń ótken jıynynda otyrarlyq aqyndardyń shyǵarmashylyǵyn bir arnaǵa toǵystyryp, kitap bolyp jaryq kórse degen usynysyn atap ótti. Jıyn barysynda Qazyǵurt aýdanynda ótken «Qazyǵurt - bereke-birlik bastaýy» oblystyq sýretshiler baıqaýyn júldeli ІІ oryn alǵan Ádilhan Málik, «Sozaqtyń jyr súleıi» Qulynshaq Kemelulynyń 175 jyldyǵyna arnalǵan aımaqtyq jyr-múshaırasynan ІІ oryn alǵan Gaýhar Júsipálıevalarǵa qurmet kórsetilse, aqyn Temirhan Tasjanǵa respýblıkalyq «Ustaz joly» qoǵamdyq qorynyń «Eleýli eńbegi úshin» medali tabystaldy. 

Birlestik tóraǵasy Saǵyndyq Qydyr el Táýelsizdiginiń 25 jyldyǵy aıasynda otyrarlyq aqyndardyń shyǵarmalary jınaqtalyp, «Táýelsizdik tolǵaý» atty kitap jaryq kórip, 13 jeltoqsan kúni oqyrmandaryna jol tartatyndyǵyn, 14 jeltoqsan kúni aýdandyq «Otyrar - qutty mekenim» atty aqyndardyń jyr-múshaırasy ótkiziletindigin jetkizip, jıyndy qorytyndylady.