Ottan da ystyq Otan úshin ot keshken maıdangerler óshpes erlik kórsetti - «QazMunaıGaz» UK» AQ basqarma tóraǵasy
dep habarlady kompanııanyń baspasóz qyzmetinen.
Olardy «QazMunaıGaz» UK AQ Basqarma tóraǵasy Lıazzat Qıynov qasıetti de qasterli mereke - Jeńis kúnimen quttyqtady. «Ýaqyt ótken saıyn aǵa urpaq syılaǵan Jeńistiń mańyzy artyp keledi. Sizderdiń kórsetken erlikterińiz de ónege! Otansúıgishtik qasıetterińiz de qasterleýge turady! Baýyrmaldyq jáne yntymaqtastyq qasıetterińiz de búgingi kúnge deıin urpaqtan urpaqqa jalǵasyp kele jatyr. Bul bizdiń úlken qundylyǵymyz bolyp tabylady, - dedi Lıazzat Ketebaıuly óz quttyqtaýynda. - Tek maıdanda ǵana emes, tylda jumys istegenderdiń de eńbegin memleket joǵary baǵalaıdy. Asharshylyq pen aýyrtpalyqty bastan keshken olar da Jeńisti jaqyndatýǵa kóp úles qosty. Tańnyń atysynan kúnniń batysyna deıin tize búkpeı jumys istegen sol bir qaıratty da qaısar jandarǵa da búgingi urpaqtyń rızashylyǵy sheksiz. Sondyqtan da sizderge basymyzdy ıemiz.Úlken qaýip pen qater, qaıǵy men qasiret tóngen sol bir aýyr ýaqytta bizdiń halqymyz synnan súrinbeı ótti. Ottan da ystyq Otan úshin ot keshken maıdangerler óshpes erlik kórsetti. Bul tarıhqa altyn áriptermen jazyldy. Qaharmandyq ónegesi búgingi jas urpaqtyń boıynda qalyptasty. Urpaqtar jalǵastyǵy degen osy bolar».
Jıynda maıdan shebinde janyn pıda etken jaýyngerlerdi bir mınýt únsizdikpen eske alyp, Otan úshin otqa túsip, Jeńis syılaǵan ardagerlerge taǵzym etildi. Surapyl da joıqyn soǵysta qyrshynynan qıylǵan jaýyngerler esimi el esinde máńgi saqtalatyndyǵyn kompanııadaǵy jıyn taǵy da dáleldedi.
Ardagerlermen kezdesýde olarǵa erekshe iltıpat kórsetildi. Olardyń árqaısysyna kompanııa 50 myń teńge kóleminde syıaqy berip, syılyqtar tapsyrdy.