Ótken jylytý maýsymynda eń kóp aqaý tirkelgen oblystar anyqtaldy

NUR-SULTAN. QazAqparat – Indýstrııa jáne ınfraqurylymdyq damý mınıstri Beıbit Atamqulov Úkimet otyrysynda jylytý maýsymynda eń kóp aqaýǵa jol berilgen óńirlerdi atady, dep habarlaıdy QazAqparat tilshisi.

«Ótken jylý berý maýsymynda 121 tehnologııalyq buzýshylyq oryn aldy», - dep bastady mınıstr óz baıandamasyn.

Atap aıtsaq, avtonomdyq qazandyqtarda - 4 (Aqmola, Jambyl, Qaraǵandy oblystary,Shymkent qalasynda - 1) aqaý tirkelgen. Al jylýmen jabdyqtaý júıesinde – 34 aqaý joıylǵan. Olardyń ishinde Aqmola oblysynda – 3, Almaty oblysynda – 1, Atyraý oblysynda – 1, Shyǵys Qazaqstan oblysynda – 3, Batys Qazaqstan oblysynda – 1, Qaraǵandy oblysynda – 8, Pavlodar oblysynda – 3 jáne Nur-Sultan qalasynda – 2, Almaty qalasynda - 11, Shymkent qalasynda -1 jaǵdaı tirkelipti.

Sýmen jabdyqtaý júıesinde – 83 aqaý oryn alǵan. Naqtyraq aıtsaq, Aqmola oblysynda – 9, Almaty oblysynda – 2, Atyraý oblysynda – 1, Shyǵys Qazaqstan oblysynda – 12, Batys Qazaqstan oblysynda – 9, Qaraǵandy oblysynda – 10, Pavlodar oblysynda – 7, Túrkistan oblysynda – 2, Soltústik Qazaqstan oblysynda - 6 jáne Nur-Sultan qalasynda – 11, Almaty qalasynda -14 jaǵdaı bolǵan.

«Jylytý maýsymynyń barlyq kezeńinde Almatyda – 25, Nur-Sultanda – 13, Aqmola oblysynda – 13, Shyǵys Qazaqstanda – 15 jáne Qaraǵandy oblysynda – 19 aqaý tirkeldi. Olardyń barlyǵy normatıvtik merzimde joıylyp, jylýmen jáne sýmen jabdyqtaý júıesi qalpyna keltirild», - dedi Beıbit Atamqulov.