Ótken jyly teatrlarda 300-den astam jańa týyndy kórsetilgen

ASTANA. QazAqparat – Memlekettik teatrlarda kórermen nazaryna 13 myńnan astam qoıylym usynyldy. Bul týraly QR Mádenıet jáne sport vıtse-mınıstri Nurǵısa Dáýeshov málim etti, dep habarlaıdy QazAqparat tilshisi.

«2022 jyly teatr salasynda da jetistikter az bolǵan joq. Atap aıtqanda, memlekettik teatrlarda kórermen nazaryna usynylǵan 13 myńnan astam qoıylymnyń, 339-y jańa týyndy bolyp sanalady», - dedi N. Dáýeshov mınıstrliktiń alqa májilisinde.

Osy oraıda ol kórermen kózaıymyna aınalǵan jobalardy toqtaldy.

«Máselen, Ǵ.Músirepov atyndaǵy balalar men jasóspirimder teatrynyń «Oıan, qalyńdyq», elimizde eń jas teatry Túrkistan oblystyq teatrynyń «Bórte», Q.Qýanyshbaev atyndaǵy mýzykalyq drama teatrynyń «Bala mergen», Aqmola oblystyq orys drama teatrynyń «Kókserek», «Astana balet» teatrynyń «Jibek joly», Qaraǵandy oblysynyń qazaq teatrynyń «Tekeburqaq», Ázirbaıjan Mámbetov atyndaǵy drama jáne komedııa teatrynyń «Alash joly» qoıylymdary halyqtyń yqylasyna bólenip jatyr», - dedi vıtse-mınıstr.

Budan buryn habarlanǵandaı, byltyr tarıhı qujattardy túgendeý maqsatynda mamandar shet elderden Qazaqstanǵa 7 myńnan astam qujat ákeldi.

Ashyq kózderden alynǵan foto