Ótken jyly sýıtsıd qaı óńirde kóp boldy

NUR-SULTAN. QazAqparat – Ulttyq statıstıka bıýrosy 2021 jyly óz-ózine qol salý oqıǵalary qaı óńirde kóp tirkelgenin málim etti, dep habarlaıdy QazAqparat tilshisi.

Bıýro málimetinshe, áıelderge qaraǵanda erler arasyndaǵy ólim-jitim eki ese joǵary. ıAǵnı 100 myń adamǵa shaqqanda erler arasyndaǵy kórsetkish 834,83 bolsa, áıelderde - 452,07.

Bul turǵyda qan aınalymy júıesi aýrýlarynan qaıtys bolǵan er adamdardyń úlesi joǵary - 100 myńǵa adamǵa shaqqanda erler – 321,72, áıelder - 167,15. Al qant dıabeti boıynsha ólim-jitim áıelder arasynda sál kóbirek - 100 myń adamǵa shaqqanda erler - 33,73, áıelder – 35,54.

Budan bólek, jol-kólik oqıǵalarynan ólim-jitim 100 myń adamǵa shaqqanda erler arasynda - 19,5 bolsa, áıelder arasynda 6,16 deńgeıde.

Ózine qol salý derekteri boıynsha erler arasynda ólim bes ese jıi kezdesken. ıAǵnı 100 myń adamǵa shaqqanda erler arasynda – 19,92, áıelder arasynda 4,05 deńgeıinde. Sýıtsıd boıynsha Aqmola oblysy 27,83 kórsetkishimen birinshi orynda tur. Odan keıingi orynda Qostanaı (17,46) jáne Qaraǵandy (16,68) oblystary ornalasqan. Adam óltirý koeffıtsıentinde de atalǵan úsh oblys aldyńǵy orynda tur. Sýıtsıdke qatysty eń tómen koeffıtsıent Mańǵystaý, Pavlodar oblystarynda jáne Almaty qalasynda anyqtaldy.

Atap aıtqanda, sýıtsıd ólim-jitim kórsetkishinde adam óliminiń negizgi sebebi bolyp sanalmaıdy. Joǵaryda atalǵandaı, negizinen túrli aýrýlardyń asqynýynan el turǵyndarynyń ómiri qıylyp jatyr.

DDSU statıstıkasyna sáıkes, Qazaqstan sýıtsıd sany boıynsha 20-orynda tur, al 10-19 jastaǵy jasóspirimder arasynda 10-orynǵa ornalasqan. 2021 jyly elimizde óz-ózin óltirýdiń 3922 jaǵdaıy tirkelgen.