Ótken jyly shetelden kelgen 27 myń adam testiden ótti – Alekseı Tsoı

NUR-SULTAN. QazAqparat – Ótken jyly shetelden kelgen 27 myń adam testiden ótti, onyń ishinde 130 adamnan koronavırýs anyqtaldy. Bul týraly Ortalyq kommýnıkatsııalar ortalyǵynda ótken eldegi epıdemıologııalyq jaǵdaı týraly brıfıngide aıtyldy, dep habarlaıdy QazAqparat tilshisi.

«Ótken jyly elimizde vırýsty zerthanalyq dıagnostıkalaý múmkindigi aıtarlyqtaı artty. COVID-19-ǵa PTR ádisimen testileý 2020 jylǵy sáýirden bastaldy da, 19 zerthanada táýligine jalpy qýaty 6000 test alyndy, al qazir KVI dıagnostıkalaıtyn 132 zerthana táýligine jalpy qýaty 100 myń zertteý jasaıdy jáne bıologııalyq materıal alatyn 48 pýnkt bar. Búginde 5 mln-nan astam zertteý júrgizildi, kún saıyn zerthanalar 40 myńǵa deıin test qabyldaıdy», - deıdi QR densaýlyq saqtaý mınıstri Alekseı Tsoı.

Sondaı-aq, ol zerthanalardyń rezervtik qýaty 60 myń zertteýge jetkenin, bul saılaý kezinde qaýipsizdikti qamtamasyz etý úshin qajet bolatynyn aıtty.

«Pandemııa bastalǵannan memlekettik shekarada karantındik sharalardy kúsheıttik. Infektsııanyń syrttan tasymaldanýyna jol bermeý úshin kelgen adamdar zerthanalyq tekserýden ótip, karantınde otyrdy. Ótken jyly shetelden kelgen 27 myń adam testten ótti, onyń ishinde 130 adamda koronavırýs anyqtaldy. Avto ótkelder arqyly 2 mln-nan astan adam keldi, onyń 1267-de koronavırýs ınfektsııasy anyqtaldy, naýqastardy ýaqtyly oqshaýladyq jáne ınfektsııanyń taralýyn toqtatýǵa múmkindik boldy», - deıdi ol.