Ótken jyly keden organdary memleketke 1 trln. 340 mlrd. teńge kiris ákeldi

ASTANA. QazAqparat - Keden organdary ótken jyly bıýdjetke 1 trln. 340 mlrd. teńge kóleminde kiris túsirdi. Bul týraly QR Qarjy mınıstrligi Kedendik baqylaý komıtetiniń baspasóz qyzmetinen habarlady.

«2013 jylǵy 12 aı ishinde keden organdary bıýdjet kirisine 1 trln. 339,5 mlrd. teńge somasynda kedendik túsimder men salyqtardyń túsýin qamtamasyz etti. 1912 jyldyń sáıkes kezeńimen salystyrǵanda 192,6 mlrd. teńgege nemese 16,8 paıyzǵa artyq aýdaryldy. Respýblıkalyq bıýdjettiń kirisine kedendik tólemder men salyqtardyń túsý úlesi 37,0 paıyzdy qurady», - delingen habarlamada. Vedomstvonyń atap ótýinshe, kedendik baqylaý nátıjesi boıynsha qosymsha 16 mlrd. teńge esepteldi, olardyń 6 mlrd. teńge kedendik tólemderi men salyqtary bıýdjet kirisine óndirildi.