Ótken jyly Qazaqstan zaýyttarynda 5 myńnan astam tehnıka shyǵaryldy

NUR-SULTAN. QazAqparat - Pandemııamen jáne qarjy sektorynyń turaqsyzdyǵymen baılanysty álemdik daǵdarysqa qaramastan, QR avtomobıl ónerkásibi 2020 jyly óndiris pen satylymda eleýli ósimdi kórsetti.

Bul týraly QR Indýstrııa jáne ınfraqurylymdyq damý mınıstrliginiń Telegram kanalynan málim boldy, dep habarlaıdy QazAqparat.

96 jetekshi elde avtomobıl ónerkásibin taldaýmen aınalysatyn NCSA (Ulttyq avtomobılderdi satý qaýymdastyǵynyń) álemdik sarapshylary jyldyń ortasynda álemdegi salanyń jahandyq quldyraýyn atap ótti. Alaıda, sol kezdiń ózinde mashına jasaý salasyndaǵy turaqty kóshbasshylardyń teris kórsetkishteriniń aıasynda tek 4 el ǵana oń statıstıkany kórsete aldy, al olardyń kóshbasshysy Qazaqstan boldy.

Qazaqstan Respýblıkasy Indýstrııa jáne ınfraqurylymdyq damý mınıstri Beıbit Atamqulov 2020 jyly avtomobıl jasaý salasyndaǵy óńdeý ónerkásibinde eń úlken ósimdi (50% - dan astam) atap ótti.

IIDM derekteri men Qazaqstannyń Avtoónerkásibindegi jyldy qorytyndylaǵan Qazaqstandyq AvtoBıznes qaýymdastyǵynyń sarapshylary rastap otyr.

Elimizde jyldyq óndiris kólemi 2020 jyly 77 471 birlik tehnıkaǵa jetti, bul 2019 jyldyń kórsetkishinen bir jarym ese artyq (50 541 birlik). Sonyń ishinde júk avtomobılderi men avtobýstardyń óndirisi boıynsha kórsetkishterdiń óskeni baıqalady. 2020 jyly otandyq zaýyttar shamamen 40% ósimdi kórsete otyryp, 5 myńnan astam tehnıka shyǵardy.
Bul rette, 2019 jyly QR mashına jasaýdaǵy avtomobıl jasaý sektorynyń úlesi nebári tórtten birin (26,3%) qurasa, 2020 jyly bul kórsetkish úshten birine deıin (33,4%) ósti.