Ótken jyly Qazaqstan ekonomıkasy aıtarlyqtaı ósti - Baqytjan Saǵyntaev
QR Premer-Mınıstri Baqytjan Saǵyntaev bıyldan bastap, EAEK qurylymdaryna tóraǵalyq etetin Reseıge sáttilik tiledi.
Óz kezeginde Reseı úkimetiniń basshysy Dmıtrıı Medvedev búgingi jıyndy joǵary deńgeıde uıymdastyrǵany úshin alǵys bildirdi.
«Integratsııalyq birlestikterde Reseıdiń tóraǵalyǵy tabysty ári joǵary deńgeıde ótip jatyr. Osyǵan oraı, Eýrazııalyq ekonomıkalyq keńes organdaryndaǵy tóraǵalyǵyna sáttilik tileımin», - dedi QR Úkimet basshysy.
«2017 jyly Qazaqstan ekonomıkasy aıtarlyqtaı ósti. Aldyn ala boljam boıynsha, elimizdiń ekonomıkasy 4 paıyzǵa artty. 2017 jyldyń qańtary men qarasha aılary aralyǵynda EAEK elderimen Qazaqstannyń taýar aınalymy 2016 jyldyń sáıkes kezińimen salystyrǵanda 28 paıyzǵa ósip, 15,60 mlrd dollarǵa jetti. Bul kórsetkish odan ári artatynyna senemin. Tsıfrly kúntártin júzege asyrýdy, ıntegratsııalyq bastamalarǵa iri, shaǵyn jáne orta bıznesti tartýdy qoldaımyz. Sonymen qatar, «Erkin saýda aımaǵyn» qurý maqsatynda ózge eldermen yntymaqtastyqty mańyzdy dep sanaımyz. Atap aıtqanda, Sıngapýr, Izraıl, Qytaı, Iranmen baılanysty mańyzdy dep sanaımyz», - dedi Baqytjan Saǵyntaev.
QR Úkimet basshysy keden rásimderin avtomattandyrý máselesine toqtaldy.
«Mysaly, birtutas kedendik qyzmet aıasynda eksport boıynsha kedendik dekloratsııaǵa baılanysty ıntegratsııa joq. Máselen, temirjol transportyn ýaqytsha engizý boıynsha aıtýǵa bolady. Osyǵan baılanysty transport salasyndaǵy halyqaralyq zańnamaǵa jáne komıssııa sheshimine ózgeris engizý baǵyttarynda birikken jumys ótkizýdi jáne kólik qujattaryn kedende elektrondy tapsyrý máselesin qarastyrýdy usynamyn», - dedi B.Saǵyntaev.
Otyrysqa Eýrazııalyq ekonomıkalyq odaqqa múshe memleketterdiń úkimet basshylary qatysyp, makroekonomıkalyq ahýal, EAEO elderinde turaqty ekonomıkalyq damýdy qamtamasyz etý jónindegi usynystar, 2017 jyly ózara saýdanyń jaǵdaıy týraly EAEO komıssııa baıandamalaryn tyńdady.
Jıynda EAEO sheńberindegi ıntegratsııalyq ózara is qımyldyń birqatar ózekti máseleleri qaralýda. Sonymen qatar, atqarylǵan nátıjeler qorytyndylanyp, uıym jumysynyń aldaǵy ýaqyttaǵy baǵyttary belgilendi.