Ótken jyly Eńbek mınıstrliginiń onlaın platformasynda 144,2 myń azamat bilim aldy

ASTANA. QazAqparat - 2022 jyly skills.enbek.kz qysqa merzimdi onlaın kýrstar platformasynda 144,2 myń azamat, onyń ishinde 23,4 myń jumyssyz oqydy. Bul týraly QazAqparat Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap habarlaıdy.

Oqýyn aıaqtaǵan barlyq paıdalanýshylar tıisti sertıfıkattarǵa ıe boldy. Platformada barlyǵy 191,4 myń qazaqstandyq tirkeldi, onyń 178 myńy 2022 jyly tirkelgen.

Oqýdan ótken 23,4 myń jumyssyzdyń 6,3 myńy – negizinen Túrkistan, Mańǵystaý, Aqmola, Jambyl oblystary men Astana qalasynyń jastary.

Platforma iske qosylǵan sátten bastap avtorlar onda ártúrli baǵyt boıynsha 162 kýrs jarııalady, onyń 107-si tegin. Kýrstardyń uzaqtyǵy 1-den 72 saǵatqa deıin.

Eń tanymal kýrstar – «Razvedenıe KRS molochnogo napravlenııa», «Ýpravlenıe personalom», «Vyraşıvanıe klýbnıkı ot A do ıA», «Kassır» jáne «Jylyjaıda kókónis ósirý tehnologııasy».

Budan buryn habarlaǵandaı, Platforma halyqtyń bilim deńgeıi men kásibıligin arttyrýǵa, mansaptyq damýdy yntalandyrýǵa jáne «ómir boıy oqytý» tujyrymdamasyn ilgeriletýge baǵyttalǵan. Ol marketpleıs – qyzmetter naryǵy qaǵıdaty boıynsha onlaın kýrstarǵa qol jetkizýdi usynatyn halyqaralyq oqytý alańdaryna uqsas qurylǵan.

Oqýǵa tikeleı https://skills.enbek.kz/ siltemesi arqyly nemese Elektrondyq eńbek bırjasynda (enbek.kz) «Onlaın oqytý» bólimin tańdaý arqyly ótýge bolady.

Platformada bilim alýshy oqytýdyń qolaıly qarqyny men tildi, materıaldy berýdiń yńǵaıly qaǵıdatyn óz betinshe tańdaıdy, bilim berý protsesindegi óziniń progresin baqylaı alady.

Oqý aıaqtalǵannan keıin bilim alýshy 70% shekti deńgeımen testileý tapsyrýy tıis. Onlaın kýrsty sátti aıaqtaǵan jaǵdaıda daǵdylardy ıgerý týraly sertıfıkat beriledi. Kýrsty aıaqtaýdyń mindetti sharty – stýdent tarapynan kýrsty baǵalaý.

Bul sertıfıkat Elektrondyq eńbek bırjasynda (enbek.kz) tirkelgen kezde bilim alýshy jasaǵan túıindemede avtomatty túrde kórsetiledi. Qyzmetkerlerdi izdeý kezinde áleýetti jumys berýshi skills.enbek.kz-te tabysty oqýdan keıin alynǵan sertıfıkattardy kóre alady.

2022 jylǵy naýryzdan bastap platformada qoldanystaǵy fýnktsıonal ońtaılandyrylyp, jańa servıster iske qosylǵanyn esterińizge sala keteıik.

Atap aıtqanda, kýrstar izdeý jetildirildi, sabaqtardyń túsinikti qurylymy jasaldy, oqý protsesin baqylaý jáne kýrs avtorlarymen jyldam ózara árekettesý múmkindigi paıda boldy.

Kýrs avtorlary úshin yńǵaıly sabaq qurastyrýshy qoljetimdi, jarııalanǵan kýrstardyń statıstıkasy men tıimdiligin qaraý, sertıfıkattardyń ártúrli dızaıny qarastyrylǵan, sonymen qatar oqý qunyn aldyn-ala esepteýge arnalǵan onlaın-kalkýlıator bar.

Avtorlar men ázirleýshilerge arnalǵan platformada onlaın kýrstardy ornalastyrý tegin. Kýrstar memlekettik jáne orys tilderinde ornalastyrylýy múmkin, aqparat berýdiń ártúrli formattary: mátin, prezentatsııa, beıne jáne aýdıo materıaldar, ınfografıka jáne basqa túrleri bolýǵa tıis. Usynylatyn onlaın kýrstardyń uzaqtyǵy 6-dan 144 saǵatqa deıin. Platformanyń erekshe qajettilikteri bar stýdentter úshin ınterfeısti beıimdeý múmkindigi bar.

Skills.enbek.kz-te tirkelý jáne platformada jumys isteýge qatysty barlyq suraq boıynsha «ERDO» AQ jaýapty qyzmetkerlerimen baılanysýdy suraımyz: 8 (7172) 95 43 17 (ishki. 877, 878).