Ótken jyly elordada 130-dan astam aýla ishi aýmaǵy abattandyryldy

ASTANA. 2 naýryz. QazAqparat - Astanada ótken jyly 131 aýla abattandyryldy. Olardyń árqaısynda qorshaýlar jańartylyp, asfalt jabyndary, balalardyń oıyn alańdary  men sport alańdary  qalpyna keltirildi. Bul týraly Astana qalasynyń resmı saıty jazdy. 

2012 jyly Esil aýdanynda 30 oramishilik aýmaǵy, Almaty aýdanynda - 37, Saryarqa aýdynynda - 64 aýla abattandyrylǵan.

Sonymen qatar, ákimdik bıylǵy jyly qaladaǵy qalǵan aýlalardyń aýmaǵyn da tolyq retke keltirý týraly sheshim qabyldady. Qurylys jumystaryna PIK-ter qatysyp, abattandyrylǵan aýlalardyń odan keıingi  jaǵdaıyn qadaǵalaıtyn bolady.  

Aýlalarǵa abattandyrý jumysyn júrgizýden basqa, qala ákimdigi turǵyndardyń sportpen aınalysyp, salaýatty ómir saltyn qalyptastyrýyna barlyq múmkindikter jasap otyr. Tek Almaty aýdanynyń ózinde 2012 jyly 8 mekenjaıda jasandy kógaldandyrylǵan fýtbol alańy jabdyqtaldy.

Al Esil aýdanynda ótken jyly ortalyq parkke 33 dana sporttyq snarıadtar qoıyldy.  «Shyǵys Ilınka» turǵyn úı alabynda  fýtbol alańy salyndy, dep habarlaıdy,  aýdan ákimdiginen.