Ótken jyly elimizde jol-kólik oqıǵalarynyń sany artty

ASTANA. QazAqparat – 2022 jyly jol-kólik oqıǵasy saldarynan 2 425 adam mert boldy. Bul týraly Májilis depýtattarynyń saýalyna QR Premer-Mınıstriniń birinshi orynbasary Roman Sklıardyń jaýabynda aıtylǵan, dep habarlaıdy QazAqparat tilshisi.

«Resmı statıstıkaǵa sáıkes, 2022 jyldyń qorytyndysy boıynsha jol-kólik oqıǵalarynyń 6 (13 930-dan 14 834-ee deıin), olarda qaıtys bolǵan azamattardyń 7 (2 270-ten 2 425-ke deıin) jáne jaralanǵandardyń 6 paıyzǵa (18 096-dan 19 135-ke) ósýine jol berilgen. Taldaý kórsetkendeı, joldardaǵy apattylyqtyń statıstıkalyq kórsetkishteriniń nasharlaýy 2020-2021 jyldardaǵy pandemııa kezeńinde buryn engizilgen shekteýler, onyń ishinde kólik quraldarynyń qozǵalysy aıasynda oryn aldy. 2019 jylmen salystyrǵanda jol-kólik oqıǵalarynyń sany shamamen 11 (16 614-ten 14 834-ke deıin), jaralanǵandar 14 (22 180-den 19 135-ke deıin) qysqardy. Qaıtys bolǵandar sany is júzinde sol deńgeıde (+0,8%, 2 405-ten 2 425-ke deıin) qaldy», - dep atap ótedi Álıhan Smaıylov jaýabynda.

Onyń dereginshe, sońǵy jyldary elimizdiń avtoparkiniń sany ósip keledi. Búgingi kúni respýblıkada 4,7 mln kólik quraly bar.

«Barlyq jol-kólik oqıǵasynyń 75 paıyzǵa jýyǵy eldi mekenderde oryn alady. «Ólimge ákep soǵatyn» jol-kólik oqıǵasynyń jartysyna jýyǵy qala syrtyndaǵy trassalarda (2 592 JKO, olarda 1 108 adam qaıtys bolyp, 4 201 adam jaralandy) bolady. Árbir úshinshi jol-kólik oqıǵasy, qaıtys bolǵan jáne jaralanǵan árbir tórtinshi adam jaıaý júrginshilerge tıesili. Jol-kóólik oqıǵasynyń negizgi sebepteri júrgizýshilerdiń jyldamdyq rejımderin asyrýy jáne jaıaý júrginshilerdiń Jol júrisi qaǵıdalaryn buzýy bolatyndyqtan, polıtsııa tıisti den qoıý is-sharalaryn kúsheıtti», - dedi Roman Sklıar.