Ótken jyly elimizde 92 mektep pen 35 emhana paıdalanýǵa berilgen

ASTANA. QazAqparat - 2022 jyly qurylys jumystarynyń kólemi 10,2% boldy, dep habarlaıdy QazAqparat ulttyq statbıýroǵa silteme jasap.

2022 jyly qurylys jumystarynyń kólemi 6 304,3 mlrd teńgeni qurady jáne 2021 jylmen salystyrǵanda 10,2%-ǵa ulǵaıdy.

Bul rette respýblıka boıynsha qurylys jumystarynyń jalpy kóleminen jeke qurylys uıymdary – 77,8%, sheteldik – 21,9% jáne memlekettik mekemeler – 0,3% oryndady.

Qurylys jumystarynyń qurylymy boıynsha negizgi kólem qurylys-montaj jumystaryna tıesili – 87,2%, kúrdeli jóndeýge – 6,1%, aǵymdaǵy jóndeýge – 6,7%.

Obekti túrleri boıynsha 2022 jyly eń kóp úles ǵımarattardy salý boıynsha oryndalǵan jumysta – 43,2%, turǵyn emes ǵımarattardy salý – 37,3% jáne turǵyn ǵımarattardy salý boıynsha – 19,5%.

Aqshalaı mándegi eń úlken kólem ǵımarat qurylysy boıynsha baıqaldy – 2 724,1 mlrd teńge, al eń joǵary ósim turǵyn emes ǵımarattardyń qurylysy boıynsha – 2021 jylmen salystyrǵanda 13,7%.

2022 jyly 40 368 jańa ǵımarattyń qurylysy aıaqtaldy.

Paıdalanýǵa berigen turǵyn úılerdiń jalpy alańy - 15,7 mln sharshy metr, bul 2021 jylmen salystyrǵanda 7,4% az.

Byltyr paıdalanýǵa jalpy bilim beretin 92 mektep, mektepke deıingi 98 uıym, ambýlatorııalyq 35 emhana, 3 aýrýhana berildi.

Osy rette 2021 jylmen salystyrǵanda paıdalanýǵa berilgen mektepterde oqýshylardyń oryn sany 20,5 myńǵa kóbeıgen.