Ótken jyly elimizde 27 myńnan astam buqaralyq-sporttyq is-shara ótkizildi
«Salaýatty ómir saltyn nasıhattaý aıasynda ótken jyly respýblıka boıynsha 27 myńnan astam buqaralyq-sporttyq is-shara ótkizildi. Bul is-sharalar 1,5 mln adam qamtydy, onyń 900 myńy – aýyldyq jerlerde. Buqaralyq sportty damytýdaǵy mańyzdy baǵyttyń biri – mektep jáne stýdentter sporty. Búgingi tańda sport jáne dene shynyqtyrýmen mektep jasyndaǵy 2 mln bala qamtylǵan», - dedi Dáýren Abaev mınıstrliktiń alqa otyrysynda.
Mınıstrdiń dereginshe, qazirgi ýaqytta joǵary oqý oryndarynda myńnan astam sporttyq sektsııa jumys isteıdi. Olar 186 myńnan astam stýdentti qamtyǵan. Bul stýdentterdiń 30,3 paıyzyn quraıdy.
«Jergilikti deńgeıde 652 balalar men jasóspirimder klýby, 138 balalar men jasóspirimderdiń dene daıyndyǵy klýby jumys isteıdi. Olar 220 myńnan astam bala men jasóspirimdi qamtıdy», - dedi ol.
Onyń atap ótýinshe, respýblıka boıynsha sport nusqaýshylary sanynyń ósýi baıqalyp otyr. 2021 jyly turǵylyqty jeri boıynsha 5 610 sport nusqaýshysy jumys istedi, onyń ishinde aýyldyq jerlerde – 3 065 adam.
«Sport jáne dene shynyqtyrýmen júıeli túrde shuǵyldanatyn erekshe qajettiligi bar azamattardyń sany 48 myńnan asty», - dedi mınıstr.