Ótken jyly dúnıege kelgen nárestelerdiń jartysynan kóbi - uldar
QR Ulttyq ekonomıka mınıstrligi Statıstıka komıtetiniń málimetinshe, 2018 jyly Qazaqstanda 397 799 adam dúnıege kelgen, onyń ishinde qalada týǵandary - 235 014, aýylda týǵandary - 162 785. 205224 ul týdy (jalpy dúnıege kelgender sanynyń 51,6%) jáne 192 575 qyz (48,4%) dúnıe esigin ashty.
Balalar sany 11,6% -ǵa artty (uldar - 12%, qyzdar - 11,1%), onyń ishinde qalalarda - 19,4%, aýyldyq jerlerde - 1,9%. Ótken jyly bala týýdyń jalpy koeffıtsıenti 1000 adamǵa shaqqanda 21,77 quraǵan, qalalyq jerlerde - 22,16, aýyldyq jerlerde - 21,22 qurady.
Óńirler arasynda eń joǵary týý deńgeıi Mańǵystaý oblysynda (1000 adamǵa shaqqanda 29,72 bala), Nur-Sultan (27,67) jáne Shymkentte (27,53) baıqaldy. Eń tómengi týý deńgeıi Soltústik Qazaqstan (12,93), Qostanaı (13,30) jáne Pavlodar (15,72) oblystarynda tirkeldi.
Týýdyń jıyntyq koeffıtsıenti (TJK) - urpaqty bolý kezeńinde (15 jastan 49 jasqa deıin) orta eseppen bir áıel týǵan balalardyń sany - 2018 jyly respýblıkada 2,84 boldy jáne 10 jyl ishinde 6% -ǵa artty, oblystarda - 2,68 jáne 1,9%, aýyldyq jerlerde - 3,09 jáne 10,8%.
El óńirleri arasynda TJK eń joǵary deńgeıi Túrkistan (4,07), Mańǵystaý (3,91) oblystarynda, al eń tómengi deńgeı - Almaty qalasynda (1,76) jáne Qostanaı oblysynda (1,77) tirkeldi. Ótken jyly týǵan sátte náresteniń anasynyń ortasha jasy - 28,7, qalada - 29, al aýyldyq jerlerde 28,3 jasty qurady.
Qazaqstannyń kóptegen aımaqtarynda týǵan kezde ananyń ortasha jasy respýblıkalyq deńgeıden asyp tústi. Almaty qalasynda bul kórsetkish - 29,8, Nur-Sultan qalasynda - 29,6 boldy.