Ótken jyly birqatar elden karantınge jatqyzylǵan ónimder kirgizilmedi - AShM
«2021 jyldyń qorytyndysy boıynsha QR Aýyl sharýashylyǵy mınıstrliginiń Agroónerkásiptik keshendegi memlekettik ınspektsııa komıtetiniń aýmaqtyq bólimsheleri ósimdikter karantıni salasynda talaptardy buzýdyń 6 140 jaǵdaıyn anyqtap, sonyń nátıjesinde 455,2 mln teńgeden astam somaǵa ákimshilik aıyppul salyndy. Aýyl sharýashylyǵy mınıstrligi basqa elderden karantınge jatqyzylǵan ónimdi ımporttaý baǵytynda karantındik fıtosanıtarııalyq baqylaýdy júzege asyrý kezinde fıtosanıtarııalyq sertıfıkattyń bolmaýynyń 3 250 jaǵdaıyn, karantındik obektilerdi anyqtaýdyń 189 faktisin, karantınge jatqyzylǵan ónimdi mejeli pýnktte qaıtalama tekserýge usynbaýdyń 577 jaǵdaıyn, fıtosanıtarııalyq sertıfıkattyń sáıkes kelmeýiniń 218 jaǵdaıyn, 113 jaǵdaıda tańbalaýdyń bolmaýyn, qol júgine tyıym salýdyń 5 faktisin, karantınge jatqyzylǵan ónimdi júrý jolynda basqa mekenjaıǵa jiberýdiń 28 jaǵdaıyn anyqtady. Fıtosanıtarııalyq talaptardy buzýdyń 72 faktisi jáne tyıym salynǵan ónimdi ákelýdiń 3 jaǵdaıy tirkeldi», - delingen mınıstrlik málimetinde.
Atap aıtqanda, ımporttaýshy elderge barlyǵy 21,3 myń tonna, 1 104 tekshe metr jáne 44 827 dana karantınge jatqyzylǵan ónim qaıtaryldy. Karantınge jatqyzylǵan ónimdi qaıtarýdy, joıýdy jáne qaıta óńdeýdi júzege asyrý boıynsha 862 shara qabyldandy.
«Karantınge jatqyzylǵan ónim Reseı, Qytaı, Qyrǵyzstan, Ózbekstan, Túrkııa, Túrikmenstan, Ázerbaıjan, Aýǵanstan, Iran, Tájikstan, Vetnam, Germanııa, Nıderlandy, Frantsııa, Polsha jáne basqa elderden ákelindi.
Fıtosanıtarlyq baqylaýmen qatar, mınıstrlik ósimdikterdi zııankesterden qorǵaý boıynsha júıeli jumys júrgizip jatyr. Qazaqstannyń aýyl sharýashylyǵy úshin asa qaýipterdiń biri - eldiń azyq-túlik qaýipsizdigin qamtamasyz etýge qaýip tóndiretin shegirtke bolyp otyr. Shegirtkelerdiń kóbeıýi, úlken toptardyń paıda bolýy, salystyrmaly túrde uzaq qashyqtyqqa qonys aýdarýy, sondaı-aq túrli jerlerge ushyp barýy men kóbeıýi qabileti joǵary», - dep atalyp ótken vedomstvo habarlamasynda.
Aýyl sharýashylyǵy mınıstrligi 2021 jyly úıirli shegirtke zııankesteri 640,85 myń gektar alańǵa taralady dep boljady.
Budan bólek, ósimdikterdi qorǵaý úshin 2 mlrd teńge bólindi, bul pestıtsıdterdiń qajetti mólsherin qamtamasyz etýge jáne barlyq boljamdy alańǵa hımııalyq óńdeý boıynsha qyzmetterge aqy tóleýge múmkindik berdi. Sonymen qatar, 223,8 myń gektar alqapta pestıtsıdterdiń qajetti qory quryldy.
Úıirli shegirtke zııankesteriniń oshaqtaryn anyqtaý úshin 524 avtokólikti, GPS navıgatorlar men trekerler, planshettermen 1230 tekserýshini tarta otyryp, 38,4 mln gektar jer tekserildi.
Aýyl sharýashylyǵy daqyldarynyń asa qaýipti zııankesterine qarsy hımııalyq óńdeý jónindegi qyzmetter 80-92% joǵary bıologııalyq tıimdilikpen ońtaıly merzimde júrgizildi.