Ótken jyly Almatyda 2,5 myń otbasy baspanaly boldy

ALMATY. QazAqparat - Byltyr Almatyda qoljetimdi baspanamen qamtý jumystary birneshe memlekettik jáne qalalyq turǵyn úı baǵdarlamasy boıynsha júzege asty, dep habarlaıdy QazAqparat tilshisi.

Qala ákimi Baqytjan Saǵyntaevtyń bastamasymen qolǵa alynǵan «Almaty jastary» baǵdarlamasy aıasynda jas otbasylarǵa 949 páter berildi.

Bul baǵdarlamaǵa bilim, densaýlyq saqtaý, mádenıet, sport, áleýmettik salalar men BAQ-ta jumys jasaıtyn jastar, sonymen qatar JOO men ǴZI qyzmetkerleri qatysty.

Taǵy 432 páterdi «Shańyraq» baǵdarlamasynyń sharttaryna sáıkes kezekte turǵandar aldy, al 360 otbasy Turǵyn úı qurylys jınaq banki arqyly jeńildetilgen nesıe sharttary boıynsha baspanaly boldy.

Kópbalaly jáne tolyq emes otbasylar, sondaı-aq múgedek bala tárbıelep otyrǵan úıelmender «Baqytty otbasy» baǵdarlamasy boıynsha jyl ishinde 365 páter aldy.

Kommýnaldyq turǵyn úı qorynan 429 páter halyqtyń áleýmettik osal toptary men kópbalaly otbasylarǵa bólindi.

2020 jyly 2535 almatylyq otbasy qoljetimdi baspanamen qamtamasyz etildi. Bul jumys aldaǵy jyly da jalǵasady.

Baǵdarlamalardyń sharttary men aǵymdaǵy habarlandyrýlarmen Almaty qalasy turǵyn úı saıasaty departamentiniń uzh-almaty.kz saıtynda tanysýǵa bolady.