Ótken jyly 24 myń qazaqstandyq jol-kólik oqıǵasynan zardap shekti
10:13, 14 Aqpan 2020
NUR-SULTAN. QazAqparat – 2019 jyly 24 myń qazaqstandyq jol-kólik oqıǵasynn zardap shekken, dep habarlaıdy QazAqparat Statıstıka komıtetiniń baspasóz qyzmetine silteme jasap.
«2019 jyldyń qańtar-jeltoqsan aılary aralyǵynda 16 614 jol-kólik oqıǵasy tirkelgen. Odan 24 585 adam zardap shekken. 2018 jyldyń sáıkes kezeńimen salystyrǵanda jol apaty 5% ósken», - delingen habarlamada.
Komıtettiń habarlaýynsha, 2019 jyldyń qańtar-jeltoqsan aılary aralyǵynda 871078 jeńil kólik tirkelgen. Bul 2018 jyldyń sáıkes kezeńimen salystyrǵanda 12,3% kóp. 2020 jyldyń qańtar aıynda 3776,9 myń jeńil kólik tirkelgen.
2020 jyldyń 1 qańtardaǵy jaǵdaı boıynsha, kólik quraldary ıeleriniń azamattyq-quqyqtyq jaýapkershiligin mindetti saqtandyrý boıynsha saqtandyrý kompanııalary 29,7 mlrd teńgege 74 914 saqtandyrý tólemderin júzege asyrdy.