Ótken jylǵy munaı jáne gaz eksportynyń kólemi belgili boldy
«2022 jyldyń qorytyndysy boıynsha munaı jáne kondensat óndirý kólemi 84,2 mln tonnany nemese 2022 jylǵy josparǵa 101,6 paıyzdy qurady. Máselen, Teńiz ken ornynda 29,2 mln tonna munaı óndirildi nemese 2022 jylǵy josparǵa 100 paıyz oryndaldy. Qarashyǵanaq ken ornynda munaı óndirý 11,3 mln tonnany nemese 2022 jylǵy josparǵa 103,8 paıyzdy qurady. Qashaǵanda munaı óndirý kólemi 12,7 mln tonna nemese 2022 jylǵy josparǵa 109,5 paıyz boldy. 2022 jyly munaı eksporty 64,3 mln tonnany nemese 2022 jylǵy josparǵa 103,4 paıyzdy qurady», - dedi mınıstr.
Onyń dereginshe, ótken jyly gaz óndirý kólemi 53,3 mlrd tekshe metrge jetti. Al taýarlyq gaz óndirisi 27,8 mlrd tekshe metr boldy. Bul jospardyń 94 paıyzyn quraıdy.
«Kórsetkishke qol jetkizbeý Orynbor gaz óńdeý zaýytynda Qarashyǵanaq gazyn qabyldaýdaǵy shekteýlerimen, sondaı-aq Teńiz jáne Qashaǵan ken oryndaryndaǵy jospardan tys jóndeý jumystarymen baılanysty. Taýarlyq gazdy ishki tutyný 19,3 mlrd tekshe metrdi nemese 2022 jylǵy josparǵa 107,2 paıyzdy qurady. Gaz eksporty 4,6 mlrd tekshe metr nemese 2022 jylǵy josparǵa 85,1 paıyz boldy. Gaz eksportynyń tómendeýi ishki naryqtaǵy tutynýdyń ósip kele jatqan kólemin qamtamasyz etýge múmkindik beredi. Halyqty gazben qamtamasyz etý – basymdyq. Іshki naryqqa suıytylǵan munaı gazyn óndirý kólemi 2,8 mln tonnany nemese 2022 jylǵy josparǵa 98 paıyzdy qurady. Josparly mánge qol jetkizbeý Pavlodar munaı-gaz-hımııa, Atyraý munaı óńdeý jáne SNPS-Aqtóbemunaıgaz zaýyttaryndaǵy jóndeýlerge baılanysty», - dedi Bolat Aqsholaqov.