Ótken jyl jınalyp qalǵan biraz máseleniń betin ashty – Roman Sklıar

ASTANA. QazAqparat - Premer-Mınıstrdiń birinshi orynbasary Roman Sklıar energetıka salasyna qatysty birqatar problemany vedomstvo aldynda kóterdi, dep habarlaıdy QazAqparat tilshisi.

«Otyn-energetıka kesheni el ekonomıkasynda úlken ról atqarady. Búginde onyń jalpy ishki ónimdegi úlesi - 22%. Bıýdjet kirisiniń 40%-y jáne ınvestıtsııanyń 30%-y osy otyn-energetıka salasy qamtamasyz etedi. Ótken jyldyń qorytyndysy boıynsha atalǵan salanyń negizgi kórsetkishteri jaman emes. Munaı - 1,6% jáne gaz - 3,1%, al munaı ónimderi - 3,2% jáne elektr energııasy óndirisi 3,4%-dy qurady.

Ótken jyl kópten beri jınalyp qalǵan biraz máseleniń betin ashty. Aıtar bolsaq, dızel tapshylyǵy. Sonymen qatar gazben qamtamasyz etýdegi qıynshylyqtar boldy. Elektr qýatynyń jetpeı qalýy, jylý berý obektilerindegi apattar. Osynyń bári sala boıynsha óte aýqymdy problemalardyń baryn kórsetti. Atalǵan problemalardy jedel sheshý qajet», - dedi Roman Sklıar Energetıka mınıstrliktiń keńeıtilgen alqa otyrysynda.

Onyń aıtýynsha, energetıka salasy aldynda aýqymdy mindetter tur.

«Halyqaralyq sarapshylardyń boljamy boıynsha 2023 jyl ótken jylǵa qaraǵanda kúrdeli bolýy múmkin. Sondyqtan ishki naryqty qajetti shıkizat qory jáne energoresýrstarmen úzbeı qamtamasyz etý - Úkimettiń basty mindetteriniń biri», - deıdi ol.