Ótken jyly temir jol kóligimen munaı ónimderi kóp tasymaldandy

<p>ASTANA. KAZINFORM &ndash; Ótken jyly elimizdiń aýmaǵy arqyly temir jol kóligimen eń kóp tasymaldanǵan júk - munaı ónimderi. Bul týraly Kólik mınıstrliginen málim etti.</p>

«2023 jyly temir jol kóligimen júk tranzıti 27,3 mıllıon tonnany qurady. Bul 2022 jylǵy kórsetkishten 18 paıyzǵa (2022 jyly – 23,1 mıllıon tonna) artyq. Búgingi tańda júkter kóbinese Qytaı – Eýropa jáne Reseı Federatsııasy – Ortalyq Azııa baǵytynda tasymaldanady. Eń kóp tasymaldanatyn júkterdiń kólemi – munaı ónimderi», - dep atap ótedi mınıstrlikten agenttiktiń saýalyna oraı.

Vedomstvo málimetinshe, EAEO týraly sharttyń normalaryna sáıkes, «Qazaqstan temir joly» UK» AQ-tyń temir jol tarıfteri júkterdi tasymaldaý kezinde qatynas túrleri boıynsha birizdendirilgen.

«Júkterdi tasymaldaýǵa arnalǵan tarıfter júkterdiń túrleri boıynsha saralanady jáne ınvestıtsııalyq baǵdarlama negizinde olardy ýákiletti organ – Qazaqstan Respýblıkasy Ulttyq ekonomıka mınıstrliginiń Tabıǵı monopolııalardy retteý komıteti belgileıdi», - dedi mınıstrlikten.