Ótken jyly Ońtústik Koreıaǵa 606 myń medıtsınalyq týrıst barǵan
22:53, 22 Mamyr 2024
<p>ASTANA. KAZINFORM – Koreıa Respýblıkasy Densaýlyq saqtaý mınıstrliginiń málimetinshe, ótken jyly elge medıtsınalyq maqsatta kelgen shetel azamattarynyń sany rekordtyq kórsetkishke jetip, 606 myń adamǵa jetken. Bul pandemııaǵa deıingi kórsetkishten asyp tústi, dep jazady <a href="https://www.koreaherald.com/view.php?ud=20240521050753" target="_blank" rel="noopener">The Korea Herald</a> basylymy.</p>
Esepke sáıkes, sheteldik patsıentterdiń jartysynan kóbi dermatologııalyq jáne plastıkalyq hırýrgııa klınıkalaryna júgingen.
Ótken jyly Koreıaǵa kelgen medıtsınalyq týrısterdiń sany aldyńǵy jylmen salystyrǵanda 2,4 ese artyp, 606 myńǵa jetti. Bul derekter jınaý bastalǵan 2009 jyldan bergi sheteldik patsıentterdiń eń joǵary kórsetkishi.
Dermatologııalyq emhanalar 239 myń medıtsınalyq týrıstti (35,2%), al plastıkalyq hırýrgııalyq emhanalar 114 myń adamdy (16,8%) qabyldap, bul qyzmetterdi Ońtústik Koreıaǵa medıtsınalyq maqsatpen kelgen sheteldikter arasynda eń tanymal etti.