Ótken jyly elde 15 qylmystyq toptyń joly kesildi – QR UQK basshysy Prezıdentke esep berdi
Ermek Saǵymbaev vedomstvonyń 2023 jylǵy jumysynyń negizgi nátıjesi men aldaǵy kezeńge arnalǵan jospary týraly málimet berdi;
byltyr UQK bólimsheleri elimizde eki terrorlyq árekettiń jáne sheteldiń arnaýly qyzmetterimen birge ózge memleketterdiń aýmaǵynda úsh lańkestik aktsııanyń aldyn alǵany jóninde baıandady:
lańkestik jáne ekstremıstik qylmystar jasaǵany úshin 43 adam sottalǵan;
jyl boıy Ulttyq qaýipsizdik komıtetiniń úılestirýimen terrorızmge qarsy 208 komandalyq-shtabtyq jáne 196 jedel-taktıkalyq oqý-jattyǵý jıyny ótken.
ekonomıkalyq qaýipsizdikti qamtamasyz etý jáne jıi kezdesetin sybaılas jemqorlyqqa qarsy kúres jumystarynyń nátıjesi jóninde aıtty:
qabyldanǵan sharalar nátıjesinde jalpy 1,5 trıllıon teńgeden astam qarjy túsken, sonyń ishinde memlekettik bıýdjetke qaıtarý bastamasy aıasynda 680 mıllıard teńgeden asa qarjy qaıtarylǵan.
Іshki ister mınıstrligimen birlesip, uıymdasqan 15 qylmystyq top qyzmetiniń joly kesilgeni, 681 qarý men 85 myńnan astam oq-dári tárkilengeni týraly aıtty:
esirtki bıznesine qarsy is-qımyl boıynsha 36 zerthana joıylǵan. 34 halyqaralyq jáne 32 óńirlik esirtki arnasyna tosqaýyl qoıylyp, 3,6 tonna esirtki tárkilengen;
UQK halyqaralyq yntymaqtastyq aıasynda sheteldik áriptesterimen birqatar operatsııany júzege asyrǵan.
Memlekettik shekarany kúzetý salasynda quqyq buzǵan 31 myńnan astam adam ustalǵanyn jetkizdi. Qarý-jaraq, oq-dári jáne esirtki alyp ótýge qatysty 739 áreketke, sondaı-aq jalpy somasy 11,7 mıllıard teńge bolatyn valıýta men altyndy, somasy 12,6 mıllıard teńgeni quraıtyn taýardy tasymaldaýǵa jol berilmegen;
UQK tehnıkalyq bólimsheleri memlekettik organdardyń resýrstaryna jáne eldiń mańyzdy strategııalyq ınfraqurylym nysandaryna jasalǵan 86,3 mıllıon kıbershabýyl men 2156 DDoS- shabýyldy toıtarǵanyn jetkizdi.
Qasym-Jomart Toqaev Ulttyq qaýipsizdik organdary qyzmetiniń baǵyttary boıynsha birqatar naqty tapsyrma berdi.