Ótken jyly 5,35 mlrd dollardyń óńdelgen aýyl sharýashylyǵy ónimi eksporttaldy – AShM

<p>ASTANA. KAZINFORM &ndash; Ótken jyly elimiz agroónerkásip kesheniniń quny 5,35 mlrd dollar bolatyn óńdelgen ónimin eksportqa shyǵardy. Bul týraly Senattyń Agrarlyq máseleler, tabıǵatty paıdalaný jáne aýyldyq aýmaqtardy damytý komıteti otyrysynda Aýyl sharýashylyǵy vıtse-mınıstri Baǵlan Bekbaýov aıtty.</p>

«Ótken jyly agroónerkásip kesheni salasynda 3,8 myń jumys ornyn qura otyryp, 275,6 mlrd teńgege 289 ınvestıtsııalyq joba iske asyryldy. Onyń ishinde mal sharýashylyǵy ónimderin qaıta óńdeý salasynda 103,5 mlrd teńgege 29 joba, ósimdik sharýashylyǵyn qaıta óńdeý salasynda 15,3 mlrd teńgege 19 joba bar. Bıyl 11 ınvestıtsııalyq jobany, onyń ishinde astyqty tereń óńdeý boıynsha eki iri jobany iske asyrý bastaldy», - dedi vıtse-mınıstr.

Baǵlan Bekbaýovtyń dereginshe, 5 jyl ishinde qaıta óńdeý salasyndaǵy jalpy somasy 300 mlrd teńgege jýyqtaıtyn 50-den astam ınvestıtsııalyq jobany iske asyrý josparlanyp otyr. Bul tereńdete óńdelgen ónimder óndirisiniń ósýin qamtamasyz etýge múmkindik beredi.

«Eksporttyq áleýetti ulǵaıtýǵa keletin bolsaq, 2023 jyly agroónerkásip kesheni óniminiń eksporty 5,35 mlrd AQSh dollaryn qurady. Bul rette AÓK ónimi eksportynyń jalpy kólemindegi óńdelgen ónimniń úlesi 42,6 paıyzǵa deıin jetip, 2,28 mlrd AQSh dollary boldy. 2024 jyly 45 paıyzǵa deıin arttyrý josparlanǵan», - dedi ol.