Ótken jyly 4 trln teńgeden astam kedendik tólem men salyq túsken

<p>ASTANA. KAZINFORM &ndash; Kedendik ákimshilendirý sharalary arqyly bıýdjetke qosymsha 149,6 mlrd teńge óndirildi. Bul týraly QR Qarjy mınıstrligi Memlekettik kirister komıteti Kedendik baqylaý departamentiniń dırektory Eldos Saýdabaev aıtyp berdi.</p>

Onyń aıtýynsha, 2023 jyldyń qorytyndysy boıynsha 4 trln 81 mlrd teńge mólsherinde kedendik tólemder men salyqtar tústi. 2021 jylmen salystyrǵanda túsimderdiń ósý qarqyny 78% ulǵaıdy.

«Sondaı-aq, 2023 jyly eksporttyq kedendik alymdardy esepke almaǵanda kedendik tólemder men salyqtar 2 400 mlrd teńge tústi. 2021 jylmen salystyrǵanda túsimderdiń ósý qarqyny 92% ósti. Kedendik ákimshilendirý sharalary esebinen bıýdjetke qosymsha 149,6 mlrd teńge óndirildi», - dedi spıker Ortalyq kommýnıkatsııalar qyzmetinde ótken baspasóz máslıhatynda.

Ótken jyly úshinshi eldermen syrtqy taýar aınalymy 111,3 mlrd AQSh dollaryn qurady, onyń ishinde eksport 67,6 mlrd dollar, ımport – 43,7 mlrd AQSh dollaryna jetken. 

«Shetel ishinde eń joǵary taýar aınalymy Qytaımen júrgizilgen. QR men QHR arasyndaǵy taýar aınalymy 2023 jyly 31,5 mlrd dollar boldy, onyń ishinde eksport 14,7 mlrd dollar, ımport – 16,8 mlrd dollar», - dedi E. Saýdabaev.