Ótken qatelikterdi qaıtalamaýymyz kerek – Altaı Kólginov karantın týraly
«Karantınniń uzartylýy nemese aıaqtalýy árqaısysymyzǵa tikeleı baılanysty. Buǵan deıin de TJ jarııalap, karantın engizip, qatań sharalardy saqtadyq. Bul belgili bir deńgeıde kómektesti. Alaıda 11 mamyrdan keıin karantın sharalary jeńildegende turǵyndar qaýipsizdik sharalaryn umytty. Naýqastar sany artty. Endi bul qatelikti qaıtalamaýymyz kerek. Ózderińiz baıqaǵandaı, karantındik rejım durys tásil boldy, dárigerler men memlekettik bıýdjetke júkteme túsken joq. TJ kezinde turǵyndar rejımdi saqtap, úıde jumyssyz otyrdy. Endi biz eki aptalyq karantın engizýge májbúrmiz», - dedi ákim Ortalyq kommýnıkatsııalar qyzmetinde ótken brıfıngte.
Sonymen birge, ákim dámhana-meıramhanalardyń jazǵy bóliginde jumys isteýge ruqsat berilgenin, úlken qalada suranystyń kóp ekenin eske saldy.
«Eki apta ótedi de ketedi. Árıne, keı azamattarǵa kútýge týra keledi. Eger saǵat saıyn sharalardy ustanbasaq, árıne, karantındi uzartý kerek bolady. Biraq, biz ony qalamaımyz. Karantın uzartylmaýy úshin ótken qatelikterdi eskerip, olardy qaıtalamaýymyz kerek. Osyǵan barlyǵyn shaqyramyz», - dedi Altaı Kólginov.