Ótken aıda elimizdegi jumyssyzdyq kórsetkishi 5,1 paıyzdy qurady

ASTANA. QazAqparat - 2016 jylǵy naýryzda jumyssyzdar sany baǵalaý boıynsha 455,1 myń adamdy qurady. Jumyssyzdyq deńgeıi ekonomıkalyq belsendi halyq sanyna 5,1 paıyz qurady. Bul týraly QR Ulttyq ekonomıka mınıstrligi Statıstıka komıtetiniń baspasóz qyzmetinen habarlandy.

Atap aıtqanda, jumyspen qamtý organdarynda jumyssyzdar retinde tirkelgender sany 2016 jylǵy naýryzdyń sońyna 69 myń adamdy qurady nemese bul ekonomıkalyq belsendi halyq sanyna 0,8 paıyzǵa teń.

Budan bólek, 2016 jylǵy aqpanda halyqtyń orta eseppen jan basyna shaqqandaǵy ataýly aqshalaı tabystary baǵalaý boıynsha 70136 teńgeni quraǵan. Bul kórsetkish 2015 jylǵy aqpanǵa qaraǵanda 13,8paıyz joǵary, al naqty aqshalaı tabys kórsetilgen kezeńde 1,2 paıyzǵa tómendegen. Sonymen qatar, 2016 jylǵy naýryzda bir qyzmetkerdiń ortasha aılyq ataýly jalaqysy baǵalaý boıynsha 133 922 teńgeni qurady.

«2016 jylǵy 1 sáýirdegi jaǵdaı boıynsha elimizde tirkelgen zańdy tulǵalardyń sany 366169 birlikti qurady. Bul ótken jylǵy sáıkes kezeńmen salystyrǵanda 2,5 paıyz artyq. Onyń ishinde 100 adamǵa deıingi qyzmetkerleri bar zańdy tulǵalar  357051 birlik. Jumys istep turǵan zańdy tulǵalardyń sany 227 862 qurady, onyń ishinde 219083 birlik shaǵyn kásiporyndar» delingen baspasóz baıanynda.