Ótken aptada Qazaqstanda qandaı qylmystar izin sýytpaı ashyldy

ASTANA. QazAqparat – Ótken aptada Qazaqstanda 2900-den astam qylmys tirkelgen. Bul týraly QR Іshki ister mınıstrliginiń ókili Shuǵyla Turlybek aıtty, dep habarlaıdy QazAqparat tilshisi.

«Aldymen eldegi krımınogendik jaǵdaıǵa toqtalaıyq. Bir apta ishinde 2949 qylmys jasaldy, onyń 1882-si táýlik ishinde ashyldy. Polıtsııa qyzmetkerleri «izin sýytpaı» 12 kisi óltirý, 4 ólimge ákep soqqan densaýlyqqa qasaqana aýyr zııan keltirý, 32 tonaý jáne 353 bóten múlikti urlaý qylmystaryn ashty», - dedi Іshki ister mınıstrliginiń ókili aptalyq onlaın brıfıngide.

Sonymen birge, 15 jeltoqsannan bastap respýblıka aýmaǵynda zańsyz aǵash kesýge, qylqan japyraqty jas aǵashtardy tasymaldaýǵa jáne satýǵa qarsy baǵyttalǵan is-sharalar ótkizildi.

Baqylaýdy kúsheıtý maqsatynda avtojoldarda, sondaı-aq bazarlarda jáne basqa jerlerde 300-den astam mobıldi top quryldy.