Ótken aptada elordada 150 myń tekshe metrden astam qar shyǵaryldy
05:13, 13 Qańtar 2015
ASTANA. QazAqparat - Astanada 5-11 qańtarda 150 myń tekshe metrden astam qar shyǵaryldy, dep habarlady astana.kz
«Astana Tazalyq» JShS habarlaýynsha, 11 qańtardaǵy jaǵdaı boıynsha 16 myń tekshe metrden astam qar jınaldy. Qysta kún saıyn 1500 jýyq tehnıka qala kóshelerin tazalaýǵa shyǵady. Sypyrý-jınaý jáne trotýar jınaıtyn mashınalar, frontaldyq júk tıegishter men samosvaldar jáne brıgadalar joldardaǵy qardy bir jerge úıedi. Tıisti jumystarǵa eki aýysymmen 1800 astam adam tartylady. Mehanızatsııalyq jolmen jáne qolmen jınalǵan qar kamazdarǵa tıelip, arnaıy polıgondarǵa shyǵarylady. Polıgondar eski MAI beketiniń ar jaǵynda Kóktal kentinde; Rojdestvenka kentiniń janynda jáne Jeleznodorojnyı kentiniń aýmaǵynda ornalasqan. Aıta keteıik, 2014 jyldyń sáıkes kezeńinde 94 myńǵa jýyq qar shyǵaryldy.