Ótken aptada elimizde qansha qylmys tirkeldi

<p>Ótken aptada 2437 qylmys tirkelip, onyń 1515-i izi sýymaı ashyldy. Bul týraly Іshki ister mınıstrligi baspasóz qyzmetiniń ókili Shuǵyla Turlybek aıtty, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform</a>.</p>

«Aldymen eldegi krımınogendik jaǵdaıǵa toqtalaıyq. Bir apta ishinde 2437 qylmys jasaldy, onyń 1515-si táýlik ishinde ashyldy. Polıtsııa qyzmetkerleri «izin sýytpaı» 6 kisi óltirý, 5 ólimge ákep soqqan densaýlyqqa qasaqana aýyr zııan keltirý, 19 tonaý jáne 279 bóten múlikti urlaý qylmystaryn ashty», - dedi Sh. Turlybek mınıstrliktiń baspasóz alańynda ótken brıfıngide.

Sonymen birge, Qaraǵandy oblysynda mal urlyǵymen aınalysqan top ustaldy.

Ótken jyl sońynda Qaraǵandy oblysy Buqar jyraý aýdanynyń polıtsııa basqarmasyna eki aýyl turǵyny júginip, qorasynan 12 qoı men jylqy urlanǵandyǵyn aıtqan. Mal ıeleriniń árqaısysyna 600 myń teńge shyǵyn kelgen.

Keıinirek anyqtalǵandaı, 19-21 jas aralyǵyndaǵy alty jigit ońaı olja úshin osyndaı qylmysqa barǵan. Urlanǵan túliktiń etin satyp, túsken aqshany ózara bólisken. Kúdiktilerdiń úıinen tártip saqshylary mal terisi men bir tiri qoıdy tárkiledi. Tórt adam ýaqytsha ustaý ızolıatoryna qamaldy. Qazirgi ýaqytta top músheleriniń osyǵan uqsas basqa da qylmystarǵa qatysy bar-joǵy tekserilýde, tergeý is-sharalary júrgizilip jatyr.