Ótken aptada el aýmaǵynda úsh myń qylmys tirkelgen

ASTANA. QazAqparat – Ótken aptada Qazaqstan aýmaǵynda úsh myń qylmys jasaldy, dep habarlaıdy QazAqparat tilshisi.

Bul týraly Іshki ister mınıstrliginiń onlaın-brıfıngisinde vedomstvo ókili Shuǵyla Turlybek málim etti.

«Eldegi krımınogendik jaǵdaıǵa toqtalsaq, bir apta ishinde 3000 qylmys jasaldy, onyń 1849-y táýlik ishinde ashyldy. Polıtsııa qyzmetkerleri «izin sýytpaı» 7 kisi óltirýdi, 4 ólimge ákep soqqan densaýlyqqa qasaqana aýyr zııan keltirýdi, 1 qaraqshylyq, 31 tonaý jáne 435 bóten múlikti urlaý qylmystaryn ashty», - dedi Shuǵyla Turlybek.

Sonymen birge, QR ІІM sheteldikterdiń kóshi-qon zańnamasyn buzýshylyqtardy anyqtaýǵa baǵyttalǵan «Mıgrant» operatsııasyn qorytyndylady. Operatsııanyń 8 kúninde 9 213 kóshi-qon zańnamasyn buzýshylyq anyqtaldy. Onyń ishinde 5 113 sheteldikterdiń elde bolý merzimin buzýymen baılanysty.