Ótken aptada azyq-túlik taýarynyń 8 túrine baǵa tómendedi

<p>ASTANA. KAZINFORM - Úkimette Premer-Mınıstrdiń orynbasary Serik Jumanǵarınniń tóraǵalyǵymen elimizdegi azyq-túlik qory men baǵanyń qazirgi jaǵdaıyn talqylaǵan jınalys ótti, dep habarlaıdy QR Saýda jáne ıntegratsııa mınıstrliginiń bapasóz qyzmeti.</p>

Máselen, ótken aptanyń qorytyndysyna sáıkes, 8 taýar boıynsha baǵanyń tómendeýi baıqaldy. Atap aıtqanda, jumyrtqa – 0,7%, aıran – 0,5%, sary maı jáne qaraqumyq jarmasy – 0,4%, kúrish pen un – 0,2%, qant pen makaron ónimi – 0,1%. Nan, sút, súzbe, sıyr eti jáne tuz baǵasynyń ortasha ındeksi turaqty.

Saýda jáne ıntegratsııa birinshi vıtse-mınıstri Aıjan Bıjanova jeti óńirde, Almaty, Aqtóbe, Qaraǵandy, Qyzylorda, Batys Qazaqstan, Soltústik Qazaqstan oblystarynda baǵa ındeksi turaqty bolyp otyrǵanyn habarlady. 6 óńirde: Ulytaý – 0,4%, Shymkent jáne Pavlodar oblystary – 0,2%, Atyraý, Aqmola jáne Túrkistan oblystary – 0,1% tómendeý baıqalady.

Keńesti qorytyndylaı kele, Serik Jumanǵarın kúzgi-qysqy kókónisterge kelisimsharttyń tómen úlesi baıqalatyn óńirlerge baǵanyń ósýine jol bermeý úshin forvardtyq sharttar jasasý jónindegi jumysty kúsheıtýdi tapsyrdy.