Ótken aptada 5 kisi óltirý qylmysy ashyldy

NUR-SULTAN. QazAqparat – Ótken aptada elimizdiń aýmaǵynda 3 311 qylmys jasaldy. Bul týraly QR Іshki ister mınıstrliginiń resmı ókili Nurdildá Oraz málim etti, dep habarlaıdy QazAqparat tilshisi.

Resmı ókildiń dereginshe, ótken aptada elimizdiń aýmaǵynda 3 311 qylmys jasalyp, onyń 2 269-y bir táýlik ishinde ashylǵan.

«Polıtsııa qyzmetkerleri «izin sýytpaı» 5 kisi óltirýdi, 10 ólimge ákep soqqan densaýlyqqa qasaqana aýyr zııan keltirýdi, 37 tonaý jáne 528 bóten múlikti urlaý qylmystaryn ashty», - dedi Nurdildá Oraz.

Sonymen qatar ol 16 men 22 tamyz aralyǵynda kólik urlyǵyn boldyrmaýǵa jáne urlanǵan kólik quraldaryn anyqtaýǵa baǵyttalǵan «Avtomobıl» atty aldyn alý is-sharasy ótkendigin eske saldy.